سۋ جاڭا نوبەل سىيلىعىنىڭ يەسىنەن ءبىر ولەڭ
ۇرەر ەكەم قانشا جول تاعدىر كەشىپ ءار قيلى،
ءبىر توقتامعا كەلگەنشە،
قاناتىمنىڭ استىندا قانشا تەڭىز تولقيدى،
قارا جەردى كورگەنشە،
قانشا جارىلىستاردىڭ وتى ءبىزدى شارپيدى،
سوڭعى سارباز ولگەنشە؟!
جارىعىم- اۋ، ءبىر ءسوزدى قايدان عانا تابامىن -
جەل اكەتكەن جاۋابىن.
قانشا عاسىر تۇرادى مىنا تاۋلار - ءتىرى اڭىز،
تولقىن شايسا - قۇلا ءتۇز،
قانشا عاسىر جىلايمىز؟
ەركىندىكتى سۇراڭىز!
سۇرار بولساڭ، سولاردىڭ اياعىنا قۇلاڭىز!
و، ادامدار قاشانعى كوزىمىزدى جۇمامىز -
كورىنبەستەي كىنامىز؟!
ءالى قانشا شۇڭقىرعا مويىن سوزىپ قارايمىز،
ال اسپاندى كورەر كىم؟
ەستۋ ءۇشىن - ءبىر باسقا قانشا قۇلاق جامايمىز،
زارلى داۋىسىن الەمنىڭ؟
جەر بەتىنەن ءبىز ءالى قانشا ولىكتى سانايمىز،
كەلگەنىنشە كەلەر كۇن؟!
ءتارجىما: ە. ءجۇنىس
