نەمىس دارىگەرى پايعامبار ءحاديسى بويىنشا شاشىن الدىرعان ءسابيدى تەكسەرىپ قاتتى تاڭ قالعان
مىسالعا، ءسابيدىڭ تۋىلعانىنا جەتى كۇن تولعاندا ازان شاقىرىپ اتىن قويىپ، اقيقا قۇربانىن شالىپ، بالانىڭ شاشىن الادى. بالانىڭ شاشىن الۋعا قاتىستى ازىرەت ءاليدىڭ (ر. ا. ) ايتۋى بويىنشا پايعامبارىمىز (س. ا. ۋ. ) نەمەرەسى حاسان تۋىلعاندا ءبىر قوي قۇرباندىققا شالىپ، قىزى فاتيماعا: «شاشىن ال دا، الىنعان شاشتىڭ اۋىرلىعىنداي كۇمىس ساداقا بەر» ، - دەگەن (تيرميزي) .
گەرمانيادا وسىدان بىرنەشە جىل بۇرىن مىناداي وقيعا ورىن العان ەكەن. ءبىر مۇسىلمان وتباسىندا كىشكەنتاي ءسابي دۇنيەگە كەلەدى. اتا- اناسى شاماسى كەلگەنشە مۇسىلمانشا ءجون- جورالعىسىن جاسايدى. جەتى كۇننەن كەيىن بالانىڭ شاشىن الىپ، سونىڭ كولەمىندەي ەتىپ ساداقا تاراتادى. سودان بىرنەشە كۇن وتكەننەن كەيىن اناسى بالانىڭ دەنساۋلىعىن دارىگەرگە تەكسەرتۋگە الىپ بارادى. بالانى قاراپ جاتقان دارىگەر: «بالانىڭ شاشىن وزدەرىڭىز الدىڭىزدار ما؟ الدە وسىلاي تۋىلدى ما؟ - دەپ سۇرايدى تاڭقالا. سوندا اناسى: «ءوزىمىز الدىق» ، - دەپ جاۋاپ بەرەدى.
دارىگەر ءوزىنىڭ تاڭقالۋىنىڭ سەبەبىن بىلاي دەپ تۇسىندىرەدى: «جاقىندا دارىگەرلەر جاڭادان تۋىلعان بالانىڭ شاشىن 40 كۇننىڭ ىشىندە الاتىن بولسا، وندا كورۋ قابىلەتى جاقسارىپ، شاشى قاتايىپ، وي- ساناسى كەڭەيەتىندىگىن جانە باسقا دا پايدالارىن انىقتادى. ال، شاش الۋدى جەتى كۇن تولعاندا جاساسا، وندا الگىندە ايتقان كورسەتكىشتەر ودان دا جاقسى ناتيجەلەر بەرەدى. ءبىراق، بۇل جاڭالىقتىڭ اشىلعانىنا 50 كۇندەي بولدى. ءارى ەشكىمنىڭ ءالى حابارى جوقتۇعىن. سىزدەر قايدان بىلدىڭىزدەر؟ - دەپ سۇرايدى تاعى دا تاڭقالعان كۇيدە.
بالانىڭ اناسى: «بىزگە بۇنى پايعامبارىمىز مۇحاممەد (س. ا. ۋ. ) بۇيىرىپ كەتكەن. مۇسىلمانداردا بۇل كادىمگى بالا تۋىلعاندا جاسالاتىن ءداستۇرلى ادەتتەردىڭ ءبىرى» دەيدى. دارىگەر ءالى تاڭقالعان ءتۇرىن وزگەرتپەي: «ال، سىزدەردىڭ پايعامبارلارىڭىز قايدان بىلگەن؟ » - دەپ قايتا سۇراق قويادى. «پايعامبارىمىز (س. ا. ۋ. ) وسىدان 14 عاسىر بۇرىن ءومىر سۇرگەن. سول كەزدە ايتقان ءسوزى بىزگە جەتىپ، ءبىز ونى كۇندەلىكتى ومىرىمىزدە سالت- ءداستۇر رەتىندە قالىپتاستىرىپ، ورىنداپ ءجۇرمىز» دەيدى ءسابيدىڭ اناسى. سوندا دارىگەر باسىن شايقاپ، اڭ تاڭ قالعان ەكەن.
نۇرقانات بايزاق
Stan.kz
