سپورتتىق بالىق اۋلاۋ وليمپيادا باعدارلاماسىنا ەنگىزىلۋى مۇمكىن

 كونفەدەراسيا باسشىسى فەرەنتس سالايدىڭ سوزىنشە، ەجەلدەن كەلە جاتقان ءارى تازا باسەكە - بالىق اۋلاۋ وليمپيادا يدەالدارىمەن تولىق ۇندەسەدى. سونىمەن قاتار، بالىق اۋلاۋ بارلىق قۇرلىق بويىنشا ويىنداردىڭ باعدارلاماسىنا ەنسە، وليمپيادا قوزعالىسى ەرەكشە امبەباپ بولا تۇسەدى دەگەن پىكىر بار، دەپ جازادى ت ا س س.

 بۇل رەتتە جارىس كەزىندە ۇستالعان بالىقتىڭ ءبۇتىن كۇيىندە قايتادان سۋعا جىبەرىلەتىنى ەرەكشە ايتىلۋدا.

 دەگەنمەن، اتالمىش سپورت تۇرىنە سىن ايتۋشىلار دا جوق ەمەس. ولاردىڭ پىكىرلەرىنشە، جارىستىڭ ناتيجەسى كوبىنە ساتتىلىككە بايلانىستى. ال، بالىق اۋلاۋ قالىڭ كوپشىلىكتى قىزىقتىرا قويماۋى مۇمكىن. ويتكەنى ونى ءبارى بىردەي تۇسىنە بەرمەيدى.

 1900 - جىلى پاريجدە وتكەن ويىندار كەزىندە بالىق اۋلاۋ رەسمي ەمەس سپورت تۇرلەرىنىڭ تىزىمىنە ەنگىزىلگەن. جارىسقا 6 مەملەكەتتەن 600 گە جۋىق سپورتشى قاتىستى دا. الايدا، جەڭىمپازدىڭ ەسىمى ساقتالماعان.

ايتا كەتەيىك، تامىز ايىندا حالىقارالىق وليمپيادا كوميتەتى كاراتە، سەرفينگ، بەيسبول/سوفتبول، قۇزعا ورمەلەۋ مەن سكەيتبوردينگ سياقتى سپورت تۇرلەرىن توكيودا 2020 - جىلى وتەتىن وليمپيادا باعدارلاماسىنا ەنگىزدى. بۇل ماسەلە جونىندە شەشىم ۇيىمنىڭ 129 سەسسياسىندا ريو- دە- جانەيرودا ءبىراۋىزدان قابىلدانعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى