قازاق جۋرناليستيكاسى ارزان اقپاراتقا الدانىپ وتىر - بيبىگۇل جەكسەنباي
بايقاۋ ماقساتى - قازاقستاندىق تاۋاروندىرۋشىلەردىڭ يميدجىن جاقسارتۋ مەن «حالىق ماركاسى» سەرتيفيكاتىنا يە بولعان وتاندىق ءونىمدى ناسيحاتتاۋ جۇمىستارىنا ب ا ق پەن بلوگەرلەردى تارتۋ.
اتالمىش شاراعا باس رەداكتورلار كلۋبىنىڭ پرەزيدەنتى بيبىگۇل جەكسەنباي، «حالىق ماركاسى» قازاقستاندىق تاۋارلار مەن قىزمەتتەردىڭ ساپاسىن باقىلاۋ جۇيەسى فەدەراتسياسىنىڭ پرەزيدەنتى ريمما تاجىبايەۆا، ق ر جەڭىل ونەركاسىبى قاۋىمداستىعىنىڭ پرەزيدەنتى ليۋبوۆ حۋدوۆا، سونداي- اق بەلگىلى جۋرناليست كوپەن ابدىبەك پەن بايقاۋدىڭ باس دەمەۋشىسى، «AllurAuto Astana» اۆتوكومپانياسى ديللەرلىك ورتالىعىنىڭ اتقارۋشى ديرەكتورى شىڭعىس سەيسەنبينوۆ قاتىستى.
باسپا ءسوز- كونفەرەنتسياسى بارىسىندا بيبىگۇل جەكسەنباي، بايقاۋعا 74 جۇمىس تۇسكەنىن مالىمدەدى. جىبەرىلگەن جۇمىستاردى كورنەكتى قوعام قايراتكەرلەرىنەن تۇراتىن ارنايى باعالاۋ كوميسسياسى، ياعني بايقاۋ القاسى قاراستىراتىنىن حابارلادى. سونداي-اق، ول ۇلتتىق «سامعاۋ» بايقاۋىنا ارىپتەستەردى، اسىرەسە ايماقتىق جۋرناليستەردى بەلسەندى قاتىسۋعا شاقىردى.
جۋرناليستەر اراسىندا سامعاۋ ق ر تاۋەلسىزدىگىنىڭ 25 جىلدىعىنا وراي 25 -تامىز بەن 10 -جەلتوقسان ارالىعىندا وتەدى. بايقاۋدىڭ جالپى جۇلدە قورى 7 (جەتى) نوميناتسيا بويىنشا 10 ميلليون تەڭگەنى قۇرايدى. سونىڭ ىشىندە گران- پري جۇلدەسى - «حالىق ماركاسى» بەلگىسىن العان، ايگىلى برەند Jac S3 اۆتوكولىگى.
2016 -جىلدىڭ جەلتوقسان ايىندا بايقاۋدىڭ قورىتىندىسىن شىعارۋ جوسپارلانۋدا.
«بۇگىنگە رەسپۋبليكالىق، وبلىستىق، اۋداندىق ب ا ق- تاردان كەلگەن جالپى جۇمىستىڭ سانى 74. ەلىمىز بويىنشا 3 مىڭنان استام باق بار دەپ سانايتىن بولساق، 74 جۇمىس دەگەن وتە از كورسەتكىش» - دەيدى بيبىگۇل جەكسەنباي.
قوماقتى قارجى تىگىلىپ، باس جۇلدەگە اۆتوكولىك بەرىلەتىن بايگەگە قاتىسۋشىلاردىڭ بەلسەندىلىگىنىڭ نە سەبەپتى تومەندىگىن تۇسىندىرگەن باس رەداكتورلار كلۋبىنىڭ پرەزيدەنتى جۋرناليستەردىڭ ساراپتامالىق ماتەريالداردان گورى جەڭىل- جەلپى، ارزان اقپاراتقا بەيىمدەلىپ بارا جاتقاندىعىنان دەيدى.
«جاسىراتىنى جوق، وتاندىق وندىرۋشىلەردى قولداۋ وتاندىق ب ا ق- تا قۋانارلىقتاي ەمەس. 25 جىلدىق جۋرناليستىك تاجىريبەمە سۇيەنە وتىرىپ، قازىرگى كەز كەلگەن ب ا ق- تى قاراپ وتىرىپ، قازىرگى كەزدە جۋرناليستەر كريمينالدىق اقپاراتتارعا، قوعامعا اسا پايداسىز، جاعىمسىز تاقىرىپتاردى كوبىرەك ءسوز ەتەتىن بولدى. وتاندىق ءونىمدى ناسيحاتتاۋ ارقىلى ءبىز 25 جىلدىق تاۋەلسىزدىك جولىندا قازاقستاننىڭ جەتكەن جەتىستىگىن، الەۋمەتتىك جاعدايىن، دامۋىن كورسەتە الاتىنىمىزدى ۇمىتپاۋىمىز كەرەك» - دەيدى باس رەداكتورلاردىڭ باسشىسى.
