قاشاعاننان العاشقى مۇناي الىندى
ق ر ەنەرگەتيكا ءمينيسترى قانات بوزىمبايەۆ ق ر پارلامەنتى ماجىلىسىندەگى پلەنارلىق وتىرىستان كەيىن قاشاعان كەن ورنىنان «قازترانسويل» رەزەرۆىنە مۇناي جىبەرىلە باستاعانىن حابارلادى.
«قاشاعاندا ءبارى رەتىمەن جۇرگىزىلىپ جاتىر. ءوندىرۋ باستالىپ قانا قويعان جوق، مەن بۇگىن ءتورت ۇڭعىمادا ءوندىرىس بەلسەندى ءجۇرىپ جاتقانىن كوردىم، تاۋلىگىنە شامامەن 90 مىڭ باررەل»، - دەدى مينيستر.
ق. بوزىمبايەۆ، سونداي-اق، «بولاشاق» مۇناي وڭدەۋ زاۋىتىنىڭ دا جۇمىس ىستەپ تۇرعاندىعىن ايتتى.
«بولاشاق» جۇمىس ىستەپ تۇر. ونى قالپىنا كەلتىرۋ جالعاسىپ جاتىر، سەبەبى قوندىرعىنىڭ بارلىق ءتۇرى ءالى جۇكتەلىپ جاتىر. ءبىراق ساۋدا مۇنايى بولاشاق زاۋىتىنان شىقتى، تازارتىلعان جانە بۇگىنگى كۇنى «قازترانسويل» رەزەرۆىنە قۇيىلىپ جاتىر»، - دەدى ق. بوزىمبايەۆ.
ءمينيستردىڭ ايتۋىنشا، ەندى مۇناي كەزەڭ- كەزەڭىمەن «قازترانسويل» رەزەرۆتەرىندە جينالاتىن بولادى، جانە الداعى ۋاقىتتا وپەراتور العاشقى ەكسپورتتىق كەلىسىمشارتتار تۋرالى حابارلايدى.
