ورامال - سان عاسىرلىق ءسان
ۇلتتىڭ ارىن دا، ءوزىن دە ساقتاپ قالاتىن ەڭ ءبىرىنشى قىزدارى. قىزى تەكتى، ءتالىمدى، تاربيەلى بولسا، ول ەلدى ەشقاشان جاۋ الماق ەمەس. ءبىراق وسى تەكتىلىك، قىزدىڭ ارىن، ونىڭ ۇلتتىق بەلگىسىن كورسەتەتىن قىزدىڭ ءوزى مە؟ جوق. ونىڭ قىلىعى مەن ارەكەتى جانە باسىنا تاققان اق ورامالى.
قازاقتا شاشتى تەك جەسىر قالعان كەلىنشەكتەر جايعان. وسىدان بۇرىم، شاشتى ءورۋ، ءتۇيىپ ءجۇرۋ، ورامال تاعۋ دەگەن ۇعىم پايدا بولعان. سىزدەرگە ورامالدىڭ بىرنەشە پايداسىن ۇسىنعىمىز كەلەدى.
ورامال - ارىڭىز
ەڭ ءبىرىنشى، باسىڭىزعا تارتقان ورامالىڭىز ءسىزدىڭ ارىڭىز.
ورامال - سىمباتىڭىز
جيناقىلىق - باستى ۇستانىم. شاشىڭىزدى جاسىرىپ، كەلبەتىڭىزدى شىرايلاندىرا تۇسەتىن اق ورامال ەشقانداي دا ابەستىك ەمەس، كەرىسىنشە، سىمباتىڭىز. ءبىر كۇن باسىڭىزعا ورامال تارتىپ كوشە بويىمەن ءجۇرىپ كورىڭىز، سىزگە سەرى جىگىتتەر قىزىعا دا تامسانا قارايدى. عاسىر اۋىسادى، مودا وتەدى ءبىراق سۇلۋلىق ساقتالادى. سىمباتتىلىقتىڭ بەلگىسى دە وسى ورامال.
ورامال - سىيلاستىعىڭىز
سىيدىڭ دا ءتۇرى بار. ءبىراق ءۇنسىز سىيلاستىق كورسەتۋدىڭ ەڭ جاقسىسى تاققان اق ورامالىڭىز. ورامال تارتقان ارۋعا قاراپ سۇيسىنبەيتىن جۇرت بولمايدى. ءتىپتى ءسىزدىڭ شاشىڭىزدى جاسىرىپ، ماڭدايىڭىزدى جارقىراتىپ ءجۇرۋىڭىز اينالاڭىزعا كورسەتكەن رياسىز سىيىڭىز. ۇمىتپاڭىز، ورامال - سىيلاستىقتىڭ دا بەلگىسى.
ورامال - دەننىڭ ساۋلىعى
بالكىم كۇلەرسىز، ءبىراق باسىڭىزعا تارتقان ورامالىڭىز ءسىزدىڭ دەنساۋلىڭىزعا دا اسەر ەتەدى. ەڭ ءبىرىنشى باسىڭىزدى سىرتتان كەلەتىن ءتۇرلى اۋرۋدان ساقتايدى. قاراپايىم مىسال كەلتىرەيىك، تەگىندە قازاق جايلاۋدا كۇن كەشكەن. ەشقانداي تەحنيكالىق قۇرىلعىسى جوق كيىز ءۇيدىڭ ىشىندە ءومىر سۇرگەن قازاقتىڭ ءاربىر قىزى ورامال تارتقان. سەبەپتىڭ ءبىرى، دالاعا تۇسكەن نايزاعاي ادامعا دا ءتۇسۋ ءقاۋىپى بولعان. ال نايزاعايدى وزىنە تارتاتىن بىردەن- ءبىر نارسە - شاش. ياعني، باسىڭىزعا تارتقان ورامال ءسىزدى جايدىڭ تۇسۋىنەن ساقتايدى. ساقتانساڭ، ساقتايدى.
ورامال - اق بوساعاڭىز
اق بوساعا اتتاعان كۇنى، اق ورامال باسىڭىزعا تۇسسە، ءسىز كەلىن اتاندىڭىز. ال كەلىننىڭ كيەسىن ساقتاپ تۇراتىن تاعى وسى ورامال. اتا- ەنەڭىزدىڭ الدىندا مارتەبەڭىز ارتادى.
ورامال - جارىڭىزدىڭ جانارىنداعى سۇلۋلىق
وتباسىلىق ومىردە، اسىرەسە وتاۋىن ەندى قۇرعان جاس جۇبايلاردىڭ ۇرىس- كەرىسىن بولدىرمايتىن دا اق ورامال. سەبەبى، جارىڭىز بويىڭىزدان ءمىن ىزدەۋگە دايىن تۇراتىن بولسا باسىڭىزعا تارتقان اق ورامالىڭىزعا سىيلاستىق تانىتادى. ويتكەنى ول ونىڭ كيەسىن بىلەدى. جارىڭىزدىڭ جانارىنداعى جالعىز سۇلۋلىق يەسى بولۋ ءۇشىن ورامال تاعىپ ءجۇرىڭىز.
ورامال - مىڭ عاسىرلىق مودا
كەز كەلگەن كيىمگە ۇيلەستىرىپ تاققان ورامال ءسىزدىڭ اجارىڭىزدى اشادى. ارلانباڭىز، ورامال تاعا ءبىلۋ دە مودا. ءتىپتى وزگەدەن وزگەشە بولاسىز.
ورامال تاعۋ دەگەن ورانىپ الۋ دەيتىن ءسوز ەمەس، سۇيكىمدىلىك! تەكتىلىك! يماندىلىق!
massaget.kz
