قازاقستاندا قوناق ۇيگە توقتاعان رۋمىنيا فۋتبولشىلارىن توناپ كەتكەن

 باسپاءسوز قىزمەتىنىڭ اقپاراتىنا سۇيەنسەك، 11- قازاندا، ساعات 18.25-تە «ريكسوس» قوناق ءۇيىنىڭ اكىمشى قىزمەتكەرى استانا قالاسىنىڭ پوليتسيا پۋلتىنە حابارلاسىپ، قوناقتاردىڭ جەكە زاتتارى جوعالعانىن حابارلاعان. بەلگىسىز جاعدايدا التى رۋمىندىق فۋتبولشىنىڭ پلانشەتتەرى، اقشالارى، ۇيالى تەلەفوندارى ۇرلانعان ەكەن.

ءبىر قىزىعى، رۋمىنيا سپورتشىلارى ۇرلىق تۋرالى ارىز جازباعان.

 «فۋتبولشىلاردان ارىز تۇسكەن جوق. ءبىراق، توناۋ فاكتىسى ق ر قىلمىستىق كودەكسىنىڭ 188-بابى («ۇرلىق» ) بويىنشا سوت الدى تەرگەۋدىڭ ءبىرىڭعاي تىزىمىنە تىركەلدى»، - دەپ حابارلادى ءى ءى د باسپا ءسوز قىزمەتى.

 رۋمىنيانىڭ بۇقارالىق اقپارات قۇرالدارى حابارلاعانداي، الين توشكا، نيكولاە ستانكۋ، ستەليانو فيليپ، وۆيديۋ حوبان، بوگدان ستانكۋ جانە ەريك بيكۆالفيلەر زارداپ شەگىپ وتىر. الدىن الا مالىمەت بويىنشا، ۇرىلار سپورتشىلاردىڭ جاتتىعۋعا كەتكەنىن كۇتكەن. ءاربىر فۋتبولشىدان 250 ەۋرو، جانە رۋمىن مەن قازاق ۆاليۋتالارى جوعالعان.

كەشە، 11 - قازان كۇنى «استانا ارەنا» ستاديونىندا ءاچ-2018 ىرىكتەۋ تۋرىندا قازاقستان فۋتبول قۇراماسى رۋمىنياعا قارسى وينادى. ويىن ەسەبى - 0:0. وسىلايشا قازاقستان قۇراماسى ەكىنشى ۇپايدى ولجالادى. رۋمىنيا قۇراماسى قازاقستاندىقتاردىڭ دورەكى ويىنىنا نارازىلىق تانىتىپ، الاڭ يەلەرى تاراپىنان بولعان ادەپسىزدىكتەردى ەلەمەگەن تورەشىلەرگە دە ءبىرقاتار سىندار ايتقان ەدى.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى