ساكەن مايعازيەۆ: جانبولاتقا ارقا سۇيەپ تالاي جىگىتكە سەس كورسەتتىك
ستۋدەنتتىك شاقتارىن بىرگە وتكىزگەن انشىلەر قاتارلاستارىنان تالاي تاياق جەگەندەرىن دە مويىندادى. جانبولاتتى تۋعان كۇنىمەن قۇتتىقتاعان مايعازيەۆ ءبىراز سىردىڭ بەتىن اشتى.
«ستۋدەنت كەزىمىزدە جانبولاتتىڭ گيتاراسىن ارقالاپ الماتىنىڭ قاي جاتاقحاناسىنا قوناققا بارمادىق دەسەڭىزشى. بىرگە تاياق جەگەن، بىرگە قاشقان كۇندەرىمىز قانشاما. جانبولات وتە قاتتى توبەلەسەتىن. قازىر دە سولاي عوي. ءبىراق، قازىر كىمدى ۇراسىڭ؟ قۇداي توبەلەستەن ساقتاسىن. جانبولاتقا، ەرالىعا، ماقساتقا سەنىپ تالاي وقىراڭدادىق قوي» ، - دەپ جازدى مايعازيەۆ جەلىدەگى پاراقشاسىندا.
ودان كەيىن جانبولاتتى تۋعان كۇنىمەن قۇتتىقتاپ، مايعازيەۆ جۇلدىزدى جۇپ جانبولات پەن جازيراعا تاعى دا نارەستەلى بولۋدى تىلەدى.
جەلى قولدانۋشىلارى ءانشىنىڭ بۇل اڭگىمەسىنە قالجىڭمەن جاۋاپ بەردى. كوپشىلىگى قىزىلوردالىق جىگىتتەردىڭ توبەلەسكە قۇمار بولاتىنىن ايتتى.
Stan.kz
