اسانالى ءاشىموۆ تۇڭعىشباي جامانقۇلوۆقا رەنجىدى
بۇل تۋرالى 31- ارنا حابارلايدى.
تەاتر قايراتكەرلەرى وداعىنىڭ كەزەكتەن تىس سەزى وسىنداي قىزۋ تالقىمەن باستالدى. تەاتر جانە كينو ونەرىنىڭ بەلدى اكتەرلارى مەرزىمىنەن بۇرىن جيىندى وتكىزۋدىڭ باستى سەبەبىن تۇسىنبەدى. سوندىقتان زالدان كەتىپ جاتىپ، ورىننان ايقايلاي سويلەۋلەر كوبەيدى. العاشقىلاردىڭ ءبىرى بولىپ ءسوز سويلەگەن تۇڭعىشباي جامانقۇلوۆ بولدى. وسى جيىندا «جاڭا ءتوراعا» سايلاۋدى جارعى تالاپتارىنا سايكەس وتكىزۋ كەرەكتىگىن ايتىپ ءوتتى.
«داۋىس بەرۋدى اشىق نەمەسە جابىق فورماتتا وتكىزۋگە تولىقتاي قۇقىلىسىزدار. ءبىراق بەلگىسىز سەبەپتەرمەن ارىپتەستەردىڭ باسىن قوسىپ، ولارعا ەموتسيالىق قىسىم جاساعاندارىڭىز دۇرىس ەمەس»، - دەيدى ق ر حالىق ءارتىسى تۇڭعىشباي جامانقۇلوۆ. ءبىراق ءتوراعانىڭ تۇجىرىمىمەن ءاسانالى ءاشىموۆ كەلىسپەدى. جانە الەۋمەتتىك جەلىدە تاراعان جامانقۇلوۆتىڭ سۇحباتىنا جاقسى باعا بەرمەدى.
«مۇنداي مالىمدەمە جاساعانىڭ دۇرىس بولمادى. بۇدان كەيىن ءوسىپ كەلە جاتقان ۇرپاق ءبىز تۋرالى نە ويلايدى. مۇنداي مالىمدەمەڭنەن كەيىن بىزگە كەلەدى دەپ ويلايسىڭ با؟ »، - دەيدى ق ر حالىق ءارتيسى اسانالى ءاشىموۆ.
سەزد اكتەرلەرگە «ماڭگىلىك ەل» يدەولوگياسىن ءتۇسىندىرۋ ءۇشىن شاقىرتىلعان. سونداي- اق پرەزيدەنت اتاپ وتكەن 5 ينستيتۋتسيونالدىق رەفورماعا تەاتر مايتالماندارىنىڭ قوسار ۇلەسىن تالقىلاعان. وسى رەتتە تەاتر قايراتكەرەلەرى وداعىنىڭ جۇمىسىن سىناعاندار كوپ بولدى.
«ماستەر كلاسس قويۋعا، شەتەلگە جىبەرۋگە، حالىقارالىق فەستيۆالدەر ۇيىمداستىرۋعا، جاڭاعى پەنسيونەرلەرگە كومەككە اقشا جوق دەيسىز. ول قايدا؟ » - دەيدى ق ر ەڭبەك سىڭىرگەن قايراتكەرى ەرلان ءبىلال.
بەلگىلىسى تەاتر ءتوراعاسى ءوز قىزمەتىنەن كەتپەيتىن بولدى. ال «ماڭگىلىك ەل» تاقىرىبىن تالقىعا سالامىز دەگەندەر 2 ساعات ىشىندە تەك ءبىر عانا بايانداما وقۋمەن شەكتەلدى.
