سامبو فەدەراتسياسى وسى كۇرەس ءتۇرىن وليمپيادالىق دەپ تانۋ تۋرالى ءوتىنىش بەردى
دەپ حابارلايدى قازاقپارات ت ا س س اگەنتتىگىنىڭ مالىمەتتەرىنە سىلتەمە جاساي وتىرىپ.
حالىقارالىق سامبو فەدەراتسياسى سەيسەنبى كۇنى (FIAS) حالىقارالىق وليمپيادا كوميتەتىنە (ح و ك) سامبو كۇرەسىن وليمپيادالىق سپورت ءتۇرى دەپ تانۋ تۋرالى ءوتىنىش ءتۇسىردى. بۇل تۋرالى رەسەي فەدەراتسياسى پرەزيدەنتى جانىنداعى دەنە شىنىقتىرۋ مەن سپورتتى دامىتۋ جونىندەگى كەڭەستىڭ ماجىلىسىندە جالپى رەسەيلىك سامبو فەدەراتسياسىنىڭ پرەزيدەنتى سەرگەي ەليسەيەۆ ءمالىم ەتتى.
«سەيسەنبى كۇنى ح و ك ۇيىمىنا سامبونى وليمپيادالىق سپورت ءتۇرى دەپ تانۋ تۋرالى ءوتىنىش بەرىلدى. سامبو ەۋروپا جانە ازيا ويىندارى، ۋنيۆەرسيادا مەن «سپورتاككورد» بۇكىلالەمدىك جەكپە- جەك ويىندارى سياقتى ءىرى حالىقارالىق جارىستاردىڭ تىزىمىندە بار»، - دەدى ەليسەيەۆ.
ايتا كەتەيىك، سامبونى الەمدىك وليمپيادا ۇجىمىنا كىرگىزۋ جونىندەگى باستاما ۆاسيلي شەستاكوۆتىڭ باستاماسىمەن 2009 -جىلى جاريا ەتىلگەن بولاتىن. 2003 -جىلى مەملەكەتتىك سپورت كوميتەتىنىڭ شەشىمىمەن سامبو رەسمي تۇردە رەسەيدىڭ ۇلتتىق جانە باسىمدىققا يە سپورتى بولدى.
