بالقاش كولىندە سۋ دەڭگەيى تومەندەپ كەتتى
دەپ حابارلايدى قازاقپارات «حابار-24» تەلەارناسىنىڭ سايتىنا سىلتەمە جاساپ.
تەلەارنا سايتىنىڭ مالىمەتتەرىنە قاراعاندا، قالىپتاسقان جاعداي كولدە بالىق قورىنىڭ ازايۋىنا جانە اينالاداعى ەكولوگيالىق احۋالدىڭ بۇزىلۋىنا سەبەپ بولىپ وتىر.
«جاعدايدى رەتتەۋ ءۇشىن بۇدان 2 جىل بۇرىن الماتى وبلىسىنىڭ اكىمدىگى ارنايى قاۋلى قابىلداپ، مەليوراتيۆتىك جاساق قۇرعان. ول ىلە جانە قاراتال وزەندەرىنە شوگىپ قالعان قۇمداردى جاعاعا شىعارىپ، سۋدىڭ اعىسىن جىلدامداتادى. قامىس باسىپ كەتكەن توعايلاردى تازارتادى. بيىل بۇنداي جۇمىستارعا وبلىس بيۋدجەتىنەن 80 ميلليون تەڭگە ءبولىنىپ وتىر. كەلەسى جىلى بۇدان ەكى ەسە كوپ قاراجات قاراستىرىلماق. سايىپ كەلگەندە، بالقاش كولىندەگى بالىقتار مەن ماڭايداعى وسىمدىكتەر الەمىنە ىڭعايلى جاعداي تۋعىزۋ كەزەك كۇتتىرمەيتىن شارا»، - دەيدى ماماندار
«قاراتال وزەنىنىڭ ەكىنشى ارناسىن بۇگىن بالقاشقا الىپ بارا جاتىرمىز. بۇگىنگى تاڭدا شارۋانىڭ كوبى ءبىتتى. قازىرگى ءبىزدىڭ جوبامىز بويىنشا وسى الدىمىزداعى قاراشا ايىنىڭ باسىندا بۇل جۇمىس تولىعىمەن بىتەدى»، - دەيدى «قاراتال» مەليوراتيۆتىك جاساعىنىڭ ديرەكتورى باقبەرگەن مادىبەكوۆ.
