ايگىلى جازۋشىلاردىڭ ءومىرىن وزگەرتكەن كىتاپتار

ولاردىڭ ومىرىنە ءھام شىعارماشىلىعىنا ەرەكشە اسەر ەتكەن قالامگەرلەر، شىعارمالار بولاتىنى انىق. ولاي بولسا، ءبىز ايگىلى جازۋشىلاردىڭ ءومىرىن وزگەرتكەن كىتاپتار جونىندە بايانداماقپىز.

گابريەل گارسيا ماركەس - "قۇبىلۋ" فرانس كافكا

كىتاپتى وقىعاننان كەيىن ماركەس مىندەتتى تۇردە ءوزىنىڭ جازۋشى بولۋى كەرەگىن ءتۇسىندى. ادەتتە، ول كىتاپتى تەرەڭ ۇيقىعا باتۋ ءۇشىن عانا وقيتىن، تەك بۇل جولى ەمەس. كىتاپتىڭ وعان اسەر ەتكەنى سونشالىق، ول ۇيىقتاي المادى. ال، تاڭەرتەڭ بىردەن جازۋعا كىرىستى.

 بۇل جايىندا ول وتە كەرەمەت ەتىپ ايتىپ بەرگەن ەدى:

"فرانس كافكانىڭ "مەتامورفوزالارى" العاشقى سوزدەرىنەن- اق مەنىڭ ومىرلىك جولىمدى ايقىنداپ بەردى. جاڭا كۇن مەنى وسىنداي شىعارما جازۋ ءۇشىن جازۋ ماشينكاسىنا وتىرعىزدى. ودان كەيىنگى كۇندەرى كىتاپتىڭ سيقىرى جوعالار دەگەن قورقىنىشپەن ۋنيۆەرسيتەتكە بارۋىمدى دا توقتاتتىم".

ەرنەست حەمينگۋەي - "سوعىس جانە بەيبىتشىلىك" لەۆ تولستوي

 حەمينگۋەي كوپتەگەن جازۋشىلاردىڭ شىعارماشىلىعىمەن تانىسقان. ءبىراق وعان ەڭ قاتتى اسەر ەتكەن جازۋشى -  ليەۆ تولستوي. ال، ونىڭ "سوعىس جانە بەيبىتشىلىك" شىعارماسى -  ەڭ سۇيىكتى رومانى. تولستوي حەمينگۋەيدى وزىنە ءتان ەرەكشەلىگىمەن جانە الەۋمەتتىك ماسەلەلەردى شەشۋدەگى ۇشقىرلىعىمەن ءتانتى ەتتى. جازۋشى ءوز روماندارىندا دا ءدال وسى ءادىستى قولداندى: ول ادامنىڭ ىشكى جان دۇنيەسى ماسەلەلەرى جونىندە وي تولعادى، سونداي- اق ءومىردىڭ ءمانىن ىزدەدى. ادەبيەتتى بوكسپەن سالىستىراتىن حەم تولستوي جايىندا بىلاي دەدى:

"مەن وتە قاراپايىم تۇردە باستادىم دا، تۋرگەنيەۆ مىرزانى جەڭدىم. كەيىن د. موپاسسان مىرزانى جەڭۋ قيىنعا سوقتى. ستەندال مىرزامەن ەكى رەت تەڭ ءتۇستىم، ءبىراق سوڭعى راۋندتا ۇپاي بويىنشا جەڭدىم. الايدا، مەن ەشقاشان تولستويعا قارسى شارشى الاڭعا شىقپايمىن".

يوسيف برودسكي -  "يەيتس ەستەلىكتەرى" ولەڭى ۋيستەن ودەن

بىردە برودسكييگە اعىلشىن پوەزياسىنىڭ انتولوگياسىن سىيعا تارتتى. كىتاپتى وقىپ وتىرىپ، ول ودەننىڭ ولەڭىنە تاپ بولادى. بۇل ولەڭ ونى ەرەكشە اسەرگە بولەيدى.

 "كىتاپتى اشقان كەزدە اڭداۋسىزدا ودەننىڭ "يەيتس ەستەلىكتەرى" ولەڭىنە كوزىم ءتۇستى. كىشكەنتاي ۇيدە وتىرىپ وقىعان ولەڭىمە جارتىلاي سەنەر- سەنبەستەن، كولەمى يلليۋميناتورمەن شامالاس دىمقىل تەرەزەدەن باتپاقتى جولدا جۇگىرىپ جۇرگەن تاۋىقتارعا قاراپ وتىرعانىم ەسىمدە. مەنىڭشە، 1939 -جىلى اعىلشىن اقىنى "ۋاقىت ءتىلدى قۇرمەتتەيدى، ءبىراق قورشاعان ءومىر سول قالپىندا قالدى" -  دەپ جازعانىنا سەنگىم كەلمەدى"، -  دەپ ەسىنە الدى برودسكيي.

 سول كەزدەن باستاپ ودەن برودسكييدىڭ ومىرىندەگى باستى اۆتورعا اينالدى.

 ك س ر و- دان قۋىلعان برودسكيي ءبىرىنشى كەزەكتە ءوزىنىڭ كۋميرىنە قوناققا باردى.

دجوان روۋلينگ -  "ەمما" دجەين وستين

دجەين وستين -  دجواننىڭ سۇيىكتى جازۋشىسى. ال "ەمما" -  ەڭ سۇيىكتى رومانى. ءوستيننىڭ وقىرماندى قىزىقتىراتىن فرەنك پەن دجەين اراسىنداعى قارىم- قاتىناستى سۋرەتتەۋ شەبەرلىگى روۋلينگكە ەرەكشە اسەر ەتتى. دجواننىڭ ايتۋى بويىنشا ول ءومىر بويى وستين شىعارماسىنداعىداي قىزىعۋشىلىقتى وياتاتىن رومان جازعىسى كەلگەن، الايدا قولىنان كەلمەدى. ءبىراق ءبىزدىڭ ويىمىزشا، "كەزدەيسوق بوس ورىن" ("سلۋچاينايا ۆاكانسيا") شىعارماسىندا دەگەنىنە جەتتى.

 ميحايل بۋلگاكوۆ - "سااردامدىق اعاش شەبەرى" پەتر فۋرمان

 بۇل كۇندەرى ۇمىتىلا باستاعان فۋرمان I پەتردىڭ جاستىق شاعى جايىندا كىتابى بۋلگاكوۆتار جانۇياسىندا ءجيى وقىلعان. سونىمەن قاتار بۇل كىتاپ بۋلگاكوۆ ومىرىندە وتە ماڭىزدى ورىن الادى. اتالمىش پوۆەست ول ءۇشىن كىتاپتان دا جوعارى مانگە يە بولدى -  ءومىرىنىڭ قيىن كەزەڭدەرىندە بۇل كىتاپ وعان بالالىق شاقتىڭ بالعىن ءدامىن ەسىنە سالىپ تۇردى.

 بۋلگاكوۆ بۇل تۋىندىنى ءوزىنىڭ كوپتەگەن شىعارمالارىندا ايتىپ وتەدى. "سااردامدىق اعاش شەبەرى" ەشقاشان ولمەيتىن تۋىندى بوپ قالا بەرمەك.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى