استانا اكىمدىگىندە اپپارات باسشىسى جانە ەكى باسقارما باسشىسى اۋىستى
بۇل تۋرالى اكىمدىكتىڭ سايتى حابارلادى.
بەرىك ورال ۇلىن 1978 -جىلى 25 -تامىزدا استانادا دۇنيەگە كەلگەن. 2000 -جىلى شاكارىم اتىنداعى سەمەي مەملەكەتتىك ۋنيۆەرسيتەتىن «ەكونوميست» ماماندىعى بويىنشا بىتىرگەن. «مەملەكەتتىك جانە جەرگىلىكتى باسقارۋ» ماماندىعى بويىنشا ەكونوميكا عىلىمدارىنىڭ ماگيسترى.
ەڭبەك جولىن 2000 -جىلى اقمولا وبلىسىنىڭ كوكشەتاۋ قالاسىندا سالىق پوليتسياسى ورگاندارىندا باستاعان. قازاقستان رەسپۋبليكاسىنىڭ سالىق ورگاندارىندا كوپ جىل ەڭبەك ەتكەن، استانا قالاسى بويىنشا سالىق كوميتەتىنىڭ اقپاراتتىق جۇيەلەردى ەنگىزۋ جانە سۇيەمەلدەۋ ءبولىمىنىڭ مامانى بولعان.
2009 -جىلى قاراعاندى وبلىسى بويىنشا سالىق دەپارتامەنتى باستىعىنىڭ ورىنباسارى، سودان كەيىن استانا قالاسى بويىنشا مەملەكەتتىك كىرىستەر دەپارتامەنتىنىڭ سارى ارقا اۋدانى بويىنشا مەملەكەتتىك كىرىستەر باسقارماسىنىڭ باسشىسى بولىپ ىستەگەن.
ق ر پرەزيدەنتى اكىمشىلىگى باسشىلىعى حاتشىلىعى مەڭگەرۋشىسىنىڭ ورىنباسارى بولعان. 2015 -جىلعى تامىزدا قازاقستان رەسپۋبليكاسىنىڭ پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ- اۋماقتىق جۇمىس ءبولىمىنىڭ مەملەكەتتىك ينسپەكتورى قىزمەتىنە تاعايىندالدى.
سونىمەن قاتار، استانا قالاسى اكىمىنىڭ وكىمىمەن اسحات جيەنباي ۇلى قاراعويشين استانا قالاسىنىڭ اۆتوموبيل جولدارى باسقارماسىنىڭ باسشىسى بولىپ جانە نازىمبەك ءامىرجان ۇلى كەنجەبايەۆ استانا قالاسىنىڭ جەر قاتىناستارى جانە جەردى پايدالانۋدى باقىلاۋ باسقارماسىنىڭ باسشىسى بولىپ تاعايىندالدى.
ەكەۋىنىڭ دە مەملەكەتتىك مەكەمەلەردە جۇمىس ىستەۋ تاجىريبەسى مول: ا. قاراعويشين 2010 -جىلدان، ن. كەنجەبايەۆ 2007 -جىلدان باستاپ اتالمىش مەكەمە باسشىلارىنىڭ ورىنباسارى بولىپ قىزمەت ەتكەن.
