ماسكەۋ تۇبىندە ولتىرىلگەن ادام قازاقستان ازاماتى

«بۇرىن حابارلاعانىمىزداي، ماسكەۋدەگى قازاقستان ەلشىلىگى ليۋبەرتسى قالاسىنىڭ تەرگەۋ بولىمىنە ساۋال جولدادى. بۇگىن ءبىز جاۋابىن الدىق، وندا ليۋبەرتسى قالاسىنىڭ تەرگەۋ ءبولىمى 10 -قازان كۇنى 1966 -جىلى تۋعان قازاقستان ازاماتىنىڭ زورلىق- زومبىلىق بەلگىلەرىمەن ولتىرىلۋىنە بايلانىستى ر ف ق ك 145 -بابى 1 -ءبولىمى «كىسى ءولتىرۋ» بويىنشا قىلمىستىق ءىس قوزعالعاندىعىن حابارلادى»، - دەپ اتاپ ءوتتى «قازاقپارات» اگەنتتىگىنىڭ تىلشىسىنە بەرگەن جاۋابىندا ق ر سىرتقى ىستەر مينيسترلىگىنىڭ باسپا ءسوز حاتشىسى ءانۋار جايناقوۆ.

ق ر س ءى م ءمالىم ەتكەنىندەي، قازىرگى ۋاقىتتا الدىن الا تەرگەۋ توبى اتالمىش وقيعانىڭ ورىن العان جايتتارىن انىقتاپ جاتىر.

ايتا كەتەيىك، 10 -قازان كۇنى كەشكە پوليتسيا ليۋبەرتسىداعى «تورپەدو» فۋتبول ستاديونىنا كىرە بەرىستەن 100 مەتر جەردە ادام ءمايىتىن تاپتى. كريميناليستەر ەر ادامنىڭ دەنەسى پىشاقپەن اياۋسىز تىلىمدەلگەنىن انىقتادى. Life.ru پورتالىنىڭ حابارلاۋىنشا، قۇجاتتار مەن ۇيالى تەلەفون ورنىندا بولعان. سول ارقىلى مارقۇمنىڭ اتى-ءجونى انىقتالدى. ول 50 جاستاعى قازاقستان ازاماتى نيكولاي ن. دەپ حابارلانعان بولاتىن. وقيعا بويىنشا قىلمىستىق ءىس قوزعالدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى