ۇلتتىق قۇرامادان شىعارىلعان بوكسشىلاردىڭ ەسىمدەرى بەلگىلى بولدى

وندا فەدەراتسيانىڭ ۆيتسە-پرەزيدەنتتەرى يۋري سحاي مەن باۋىرجان وسپانوۆ سپورتشىلاردىڭ ريوداعى ونەرىنە «جاقسى» دەگەن باعا بەردى، دەپ حابارلايدى قازاقپارات.

فەدەراتسيا تاراتقان اقپاراتقا قاراعاندا، جاتتىقتىرۋشىلار كەڭەسى 4 جىلدىق كەزەڭدەگى قۇرامانىڭ ءاربىر بوكسشىسىنىڭ جەتىستىكتەرىن جان- جاقتى سارالاعان. سونداي-اق قۇراما ساپىنان كەتەتىن سپورتشىلاردى اتاعان. ولار: 49 كەلىدە ا ر ۆ ەكس- چەمپيونى ءبىرجان جاقىپوۆ، 60 كەلىدە بەرىك ءابدىراحمانوۆ جانە ازيانىڭ ەكى دۇركىن چەمپيونى ولجاس ساتتىبايەۆ.

«ولار قۇرامادان كەتۋگە نيەتتى ەكەندىكتەرىن جاريا ەتتى جانە جاتتىقتىرۋشىلار كەڭەسى ولارعا كەدەرگى جاساعان جوق. دەگەنمەن، بۇل سپورتشىلار AIBA- نىڭ APB جانە WSB سىندى جوبالارىنا قاتىسا الادى»، - دەلىنگەن حابارلامادا.

مۇنان بولەك، ريو چەمپيونى دانيار ەلەۋسىنوۆكە، كۇمىس جۇلدەگەر ۆاسيلي لەۆيت پەن ادىلبەك نيازىمبەتوۆكە جانە كۇمىس جۇلدەگەر يۆان دىچكوعا دەمالىس بەرىلىپ، قايتا قالپىنا كەلۋلەرى ءۇشىن ەل چەمپيوناتىن قوسا العاندا كەز كەلگەن جارىسقا قاتىسۋدان بوساتىلدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى