مونوپولياعا قارسى ورگان «ەير استانا» كومپانياسىنا قاتىستى ءىس قوزعادى
ق ر ۇلتتىق ەكونوميكا مينيسترلىگىنىڭ اقپاراتىنا سايكەس، 2016 -جىلعى 7 - قازاندا «ەير استانا» ا ق تەرگەپ- تەكسەرۋگە شىققان مونوپولياعا قارسى ۆەدومستۆو قىزمەتكەرلەرىن ءوزىنىڭ عيماراتىنا وتكىزبەگەن.
بۇعان دەيىن اتالعان اۆياتاسىمالداۋشىعا قاتىستى بيلەتتەرگە مونوپوليالىق جوعارى باعا بەلگىلەگەنى ءۇشىن تەرگەپ- تەكسەرۋ باستالعاندىعى حابارلانعان ەدى.
«بۇل رەتتە، 2015 -جىلعى 5- قازاننان باستاپ اۆياۇشۋلار قىزمەتتەرىنە باعا رەتتەۋ جويىلعانىن اتاپ وتەمىز. باعا رەتتەۋ جويىلعاننان كەيىن اۆيابيلەتتەرگە باعانىڭ ەلەۋلى كوتەرىلگەنى (ورتاشا العاندا 30 - 40 پايىز) بايقالادى. تۇتىنۋشىلاردان تۇسكەن شاعىمدارعا بايلانىستى، مونوپولياعا قارسى ورگان تەرگەپ- تەكسەرۋدى باستادى. ونىڭ ناتيجەلەرى تۋرالى قوسىمشا حابارلاناتىن بولادى»، - دەدى ۆەدومستۆودان.
اۆتور: مارلان جيەمباي
