ب ۇ ۇ باس حاتشىسى: ءولىم جازاسى تەرروريزمگە «تۇساۋ» بولا المايدى
بۇل تۋرالى قازاقپارات ت ا س س اگەنتتىگىنە سىلتەمە جاساپ حابارلايدى.
باس حاتشىنىڭ پىكىرىنشە، تەرروريزم ءۇشىن ءولىم جازاسىنا كەسۋ 65 مەملەكەتتە قولدانىلاتىن شارا. جىل سايىن 10- قازاندا اتالىپ وتەتىن بۇكىلالەمدىك ءولىم جازاسىنا قارسىلىق كۇنىندە ب ۇ ۇ باس حاتشىسى ءولىم جازاسىنىڭ تەرروريستىك قاۋىپتى سەيىلتە المايتىنىن ايتتى.
«بىرەۋدى اجال قۇشتىرۋ - قاتاڭ، جانتۇرشىگەرلىك شارا. وعان XXI عاسىردا ورىن جوق»، - دەدى پان گي مۋن.
ول ءوزىنىڭ سوزىندە، قاۋىپسىزدىك باعىتىنداعى شارالاردىڭ بارلىعى سياقتى تەرروريزمگە قارسى ءتيىمدى شارالار دا ادام قۇقىقتارى مەن زاڭ ۇستەمدىگى اياسىندا جۇزەگە اسىرىلۋى ءتيىس.
ب ۇ ۇ باس حاتشىسىنىڭ پىكىرىنشە، اسكەري جانە ارنايى سوتتاردا وتەتىن سوت ۇدەرىستەرى كوپ جاعدايدا تەرروريستىك ارەكەتتەر ءۇشىن ايىپتالعان ازاماتتى اسىعىس، ادىلەتسىز جاسالعان قورىتىندىلار نەگىزىندە ءولىم جازاسىنا كەسىپ جاتادى. ولاردىڭ باسىم كوپشىلىگى قۇزىرلى ورگانداردىڭ قىسىم كورسەتۋىمەن بولادى.
«كەيبىر مەملەكەتتەر نەگىزگى قۇقىقتاردى زاڭنان تىس قالدىرىپ، تەرروريزممەن كۇرەستە زاڭناماعا تۇسىنىكسىز ءبىرجاقتى انىقتامالاردى ەنگىزىپ جاتادى»، - دەگەن پىكىرىمەن بولىسەدى پان گي مۋن.
ول سونىمەن قاتار بەيبىت شارالارعا قاتىسۋ جانە ۇكىمەتتىڭ اتىنا سىن ايتۋ ەشقانداي دا قىلمىس نە لاڭكەستىك ارەكەت ەمەس ەكەندىگىنە نازار اۋداردى. مۇنداي جاعدايدا ءولىم جازاسىن بەرۋ ادامداردى قۇقىقتارىن كوپە- كورنەۋ ەلەمەۋ بولىپ تابىلادى.
«مەن ءولىم جازاسى تەرروريزم يدەولوگياسىنىڭ تاراۋىنا كەدەرگى كەلتىرە المايدى دەگەن پىكىردەمىن»، دەپ قوستى باس حاتشى.
