كاسىپكەرلەر ءۇشىن «قادىرى جوق» مەملەكەتتىك نىساندار بەلگىلى بولدى
ونىڭ دەرەكتەرىنە قاراعاندا، 12 نىسان ءۇشىنشى ساۋدا- ساتتىقتان كەيىن دە ساتىلمادى. ءبىراق، زاڭعا سايكەس تاراتۋ ءراسىمى ءالى باستالعان جوق. ولاردىڭ قاتارىندا سولتۇستىك قازاقستان وبلىسىندا 4، قوستاناي وبلىسىندا 3، الماتى، اتىراۋ مەن شىعىس قازاقستان وبلىستارىندا 1 نىساننان، ينۆەستيتسيالار جانە دامۋ مينيسترلىگى مەن مادەنيەت جانە سپورت مينيسترلىگى بويىنشا 1 نىساننان بار. سوندىقتان جەكەشەلەندىرۋدىڭ بەكىتىلگەن جوسپارى ورىندالماي قالۋى مۇمكىن.
«جەكەشەلەندىرۋ باستالعالى بەرى اعىمداعى جىلدىڭ اياعىنا دەيىن 551 نىسان ساۋدا- ساتتىققا شىعارىلۋى ءتيىس ەدى. ءبىراق، سونىڭ 515 ى ساۋدا- ساتتىققا شىعارىلدى. ءبىرشاما ارتتا قالىپ وتىرعان وبلىستار مىنالار: پاۆلودار (7)، الماتى (5)، شىعىس قازاقستان (2) جانە اقمولا (2). نەگىزگى سەبەپ - نىساندى ساتۋعا ۋاقتىلى دايىنداماۋ»، - دەدى سۇلتانوۆ.
ءمينيستردىڭ سوزىنە قاراعاندا، ساتىلىمعا شىعارىلعان نىساندارعا قىزىعۋشىلىق جوق. ال سۇرانىسقا يە بولاتىن نىسانداردى ساتۋ كەيىنگى جىلدارعا جوسپارلانعان. مىسالى، وسى جىلعا جوسپارلانعان 154 كوممۋنالدىق نىساننىڭ 70 پايىزىن بيزنەستى قىزىقتىرمايتىن نىساندار قۇرايدى. ولار: سپورت كلۋبتارى، تۇرعىن- ءۇي كوممۋنالدىق شارۋاشىلىق قىزمەتتەرى، اۋداندىق گازەتتەر، تىلدەردى وقىتۋ ورتالىقتارى.
سۇلتانوۆ مەملەكەتتىك كاسىپورىنداردى اكسيونەرلىك قوعامدار، جاۋاپكەرشىلىگى شەكتەۋلى سەرىكتەستىكتەر ەتىپ قايتا ۇيىمداستىرۋ جۇمىستارىنىڭ قارقىنى وتە تومەن بولىپ وتىرعاندىعىن دا اشىق ايتتى.
وسىعان بايلانىستى اكىمدىكتەرگە الەۋمەتتىك اسپەكتىنى ەسكەرە وتىرىپ، تاراتۋ راسىمدەرىن ۇدەمەلى قارقىنمەن باستاۋدى، اعىمداعى جىلعا ارنالعان جوسپاردىڭ ورىندالۋى بويىنشا مونيتورينگ پەن تۇراقتى باقىلاۋ جۇرگىزۋدى؛ الداعى ءۇش جىلدىق كەستەدەن وڭىرلىك بيزنەس ءۇشىن قىزىعۋشىلىق تۋدىراتىن نىسانداردى ىرىكتەۋدى جانە ولاردى كەلەسى جىلدىڭ قاڭتار- اقپان ايلارىندا ساۋدا- ساتتىققا شىعارۋدى قامتاماسىز ەتۋدى، مەملەكەتتىك ورگاندارعا وزدەرىنە ۆەدومستۆولىق باعىنىستى كاسىپورىندارىن كەيىننەن ساتۋعا شىعارۋ ءۇشىن ولاردى قايتا ۇيىمداستىرۋ بويىنشا ءىس- شارالاردى بارىنشا قىسقا مەرزىمدە اياقتاۋدى تاپسىرۋدى ۇسىنامىز»، - دەدى سۇلتانوۆ.
