الماتىدا اقىن ولجاس سۇلەيمەنوۆتىڭ جۇلدىزى جاندى - فوتو

Megа Pаrk ساۋدا ورتالىعى اۋماعىنداعى اللەيادا بەلگىنى ورناتۋ شاراسى ءوتتى.

جۇلدىز ءمارماردان، مىس، لاتۋننان جاسالعان، ونىڭ كولەمى 60-60 سانتيمەتر.

 «نازار اۋدارىپ جاتقاندارىڭىزعا قۋانىشتىمىن. نارىقتىق ەكونوميكاعا بايلانىستى جۇلدىزدار اللەياسى ۇلكەن دۇكەننىڭ قاسىندا ورنالاسقان ەكەن. دەمەك، مادەنيەت تە نارىقتىق ەكونوميكاعا كىرەتىن بولدى عوي... كوڭىلدەرىڭىزدەن شىعۋعا تىرىسامىن ەندى»، - دەدى ولجاس سۇلەيمەنوۆ.

اقىندى قۇتتىقتاۋعا كەلگەن عالىم مۇرات اۋەزوۆ ءسوز الدى.

«ولجاس ومار ۇلىمەن بۇرىننان تانىسپىز. قۋانىشىنا ورتاقپىز. ول - ەرەكشە تۇلعا. ولجاس ومار ۇلى - ناعىز جۇلدىز»، - دەدى م. اۋەزوۆ.

ەسكە سالا كەتەيىك، جۇلدىزدار اللەياسىندا ەڭ ءبىرىنشى يليا يليننىڭ اتى جازىلعان ەدى، كەلەسى جۇلدىز «دوم» قورىنىڭ جەتەكشىسى ارۋجان ساينانىڭ قۇرمەتىنە ورناتىلسا، 2015 -جىلى الەكساندر ۆينوكۋروۆتىڭ جۇلدىزى جاندى. جاقىندا اسانالى ءاشىموۆتىڭ جۇلدىزدى بەلگىسى ورناتىلعان بولاتىن.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى