قىرعىزستاندا لاڭكەستىك جاسالۋى مۇمكىن دەگەن حابارلاما تەكسەرىلىپ جاتىر
ديپلوماتيالىق وكىلدىكتەر بۇل مالىمدەمەنى 8 -قازاندا ءوز سايتتارىندا جاريالاعان، دەپ حابارلادى قازاقپارات.
«ەلشىلىكتەر قىرعىزستاننىڭ ارنايى قىزمەتتەرىنە ەش مالىمەت بەرمەدى. مالىمدەمەنى ب ا ق جاريالاعان سوڭ تەكسەرۋ جۇمىستارى باستالدى. اقپاراتتى تەكسەرۋگە قىرعىزستاننىڭ سىرتقى ىستەر مينيسترلىگى دە قوسىلدى»، - دەپ حابارلادى م ۇ ق ك.
ءوز كەزەگىندە، قىرعىزستاننىڭ سىرتقى ىستەر مينيسترلىگىنىڭ اقپارات دەپارتامەنتى ازىرگە لاڭكەستىك قاۋپى تۋرالى ايتۋ نەگىزسىز ەكەنىن ايتتى. «قازىر ديپلوماتيالىق وكىلدىكتەردەن بارلىق قاجەتتى ماتەريالدار الىندى، ونى ارنايى قىزمەت تەكسەرىپ جاتىر. تەكسەرۋ جۇمىستارىنىڭ ناتيجەسى بويىنشا رەسمي مالىمدەمە جاسالادى»، - دەپ حابارلادى قىرعىزستاننىڭ سىرتقى ىستەر مينيسترلىگىنىڭ باسپا ءسوز قىزمەتىنەن.
ەسكە سالا كەتەيىك، قىرعىزستانداعى ا ق ش جانە ۇلى بريتانيا ديپلوماتيالىق وكىلدىكتەرىنىڭ رەسمي سايتتارىندا اقپارات جاريالادى. وندا ولار ءوز ازاماتتارىنا قازان ايىندا ەلدىڭ بيلىگىنە جانە شەتەلدىك ديپلوماتتارعا قارسى لاڭكەستىك اكتىلەر ءقاۋپى جوعارى ەكەنى جايلى ەسكەرتۋ جولداعان.
