سولتۇستىك قازاقستاندا ساڭىراۋقۇلاقتان ۋلانعان ايەل مەن ونىڭ ءۇش قىزى كوز جۇمدى

2-قازاندا وبلىستىق بالالار اۋرۋحاناسىنا قىزىلجار اۋدانىنان تاعامنان ۋلانعان 5, 8, جانە 12 جاستاعى بالالار جەتكىزىلدى. قىزداردى جان ساقتاۋ بولىمىنە جاتقىزدى.

«اۋرۋحاناعا تۇسكەندە قىزداردىڭ بارلىعىنىڭ جاعدايى اۋىر بولدى. دەرەۋ ينتەنسيۆتى تەراپيا جۇرگىزىلدى. قان ورتالىعىنان كوپ پلازما جەتكىزىلدى. تاۋلىگىنە ءار ناۋقاسقا 1-2 ليتر پلازما جۇمسالدى. باكتەرياعا قارسى تەراپيا جۇرگىزىلدى. قىزدار جان ساقتاۋ بولىمىنە تۇسكەننەن-اق دارىگەرلەردىڭ كونسيليۋمى ءوتتى. رەسپۋبليكالىق سانيتارلىق اۆياتسيا جەلىسى بويىنشا رەانيماتولوگ پەن قازاقستاننىڭ باس توكسيكولوگى شاقىرىلدى»، - دەدى ولەگ زاۆيالوۆ.

ناۋقاستاردا وكپە جانە بۇيرەك اقاۋلارى پايدا بولا باستادى. بالالاردى وكپەنىڭ جاساندى ۆەنتيلياتسياسىنا كوشىردى. اپالى- سىڭلىلەردىڭ ەڭ كىشىسى - 5 جاسار ولەسيا 5 -قازاندا، 8 جاسار كسەنيا 9 -قازاندا جانە 12 جاستاعى تاتيانا 10 -قازاندا قازا تاپتى. قىزداردىڭ اناسى ءۇشىنشى قالالىق اۋرۋحانانىڭ جان ساقتاۋ بولىمىندە اجال قۇشتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى