تۇيمەبايەۆ جاڭا قىزمەتىن شاحانوۆقا شاپان جابۋدان باستادى - فوتو

 بۇل تۋرالى Rgmedia.kz پورتالى حابارلايدى.

وبلىس اكىمى ءشامشى قالداياقوۆ اتىنداعى «ارىس جاعاسىندا» VII رەترو- فەستيۆالىنە ارنايى كەلگەن اقىندار مۇحتار شاحانوۆ پەن يسرايل ساپاربايەۆقا، ءانشى نۇرعالي ءنۇسىپجانوۆقا وقالى شاپان كيگىزىپ، قازاق ءۆالسى كورولىنىڭ جەسىرىنە سىي- سياپات جاسادى.

سونىمەن قاتار وبلىس اكىمى VII ءشامشى قالداياقوۆ اتىنداعى «مەنىڭ قازاقستانىم» حالىقارالىق ءان بايقاۋىنىڭ جەڭىمپازدارىن سالتاناتتى تۇردە ماراپاتتاپ، ولارعا سىي- سياپات تابىس ەتتى.

داستۇرگە اينالعان ش. قالداياقوۆ اتىنداعى «مەنىڭ قازاقستانىم» اتتى حالىقارالىق ءان بايقاۋىنا قازاقستاننان بولەك قىرعىزستان، ازەربايجان، رەسەي، قىتاي جانە باسقا دا ەلدەردەن 60 قا جۋىق ۇمىتكەر قاتىستى.

بىرنەشە كۇنگە سوزىلعان بايقاۋدىڭ باس جۇلدەسىن قىزىلوردالىق نازىم ساعىنتاي جەڭىپ الدى.

1 - ورىنعا وڭتۇستىك قازاقستان وبلىسىنىڭ نامىسىن قورعاعان ديانا حاشيمجانوۆا يە بولسا، Ⅱ ورىن الماتىلىق تىلەكباي ناعىمبايەۆ پەن استانالىق ەركەبۇلان تۇرماعامبەتوۆكە بۇيىردى. ال جۇلدەلى Ⅲ ورىنعا استانالىق جالعاس سۇلتانوۆ پەن مارات ايتىمباي جانە لاۋرا ايتبايەۆالار (قاراعاندى) لايىقتى دەپ تانىلدى.

سونداي- اق، سالتاناتتى شارادا وبلىس اكىمىنىڭ ارنايى جۇلدەسىمەن قىتاي حالىق رەسپۋبليكاسىنان كەلگەن ءداستۇر  اسىلحان ماراپاتتالسا، ارنايى ديپلوم قىرعىزستاندىق بينازيرا ابلايەۆاعا تابىستالدى.

 حالىقارالىق بايقاۋ ق ر مادەنيەت جانە سپورت مينيسترلىگىنىڭ ۇيىمداستىرۋىمەن ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى