كيەۆ ۋكراينانىڭ ت م د- دان شىعۋ ماسەلەسىن زەردەلەۋدە
مۇنداي مالىمدەمەنى جەكسەنبى كۇنى «112 ۋكراينا» تەلەارناسىندا ۋكراينا سىرتقى ىستەر ءمينيسترى پاۆەل كليمكين جاسادى.
2014 - جىلدىڭ اقپانىندا ۋكراينا بيلىگى اۋىسقاننان كەيىن جاڭا باسشىلىق ت م د جۇمىسىنا قاتىسۋدان باس تارتۋ نيەتى تۋرالى مالىمدەمە جاساعان بولاتىن. كەيىنىرەك كيەۆ اتالمىش ۇيىمنىڭ اتقارۋشى كوميتەتىنەن ءوز وكىلى اناتولي دروندى قايتارىپ الدى.
«ءبىز شىعۋ ماسەلەسىن (رەد. - ت م د- دان) قاراستىرىپ جاتىرمىز. بىزدە ديپلومداردىڭ ءوزارا تانىلۋى، زەينەتاقىلاردىڭ تولەنۋى سەكىلدى بىرنەشە ونداعان كەلىسىم بار. قازىر بۇل كەلىسىمدەردى رەتتەۋگە مۇمكىندىك بەرەتىن جۇمىستاردى اياقتاۋ ۇستىندەمىز. مەن ت م د- دان شىعۋدى قولداۋشىلاردىڭ ءبىرىمىن»، - دەدى مينيستر.
2015 -جىلعى ءساۋىر ايىنىڭ ورتاسىندا كليمكين ەلدىڭ دوستاستىقتان شىعۋىن ورىنسىز دەپ اتاعان بولاتىن. كەيىن بەلارۋس پرەزيدەنتى الەكساندر لۋكاشەنكو ۋكراينانىڭ ت م د- دان شىعۋى ەكى- تالاي ەكەندىگىن ءمالىم ەتتى. ءبىراق اتالمىش ەل ءوزىنىڭ ۇيىمعا قاتىسۋىن جانە ورتاق بيۋدجەتتى قارجىلاندىرۋىن توقتاتقانى شىندىق.
