ۋفولوگتار قازاقستاندا كوشپەندىلەر مەن كەلىمسەكتەر بايلانىسقا شىققان ورىندى تاپتى
بورلى اقجار تاۋلارى ۇلىتاۋعا جاقىن جەردە ورنالاسقان. كۇلگىن ءتۇس تابيعاتتا سيرەك كەزدەسەدى. مۇنداي ءتۇس تاۋدا كىشكەنتاي امەتيست كريستاللدارىنىڭ كوپ ءتۇسۋى ناتيجەسىندە بولۋى مۇمكىن، دەپ جازدى «ەكسپرەسس- ك» گازەتى.
تەنگرياندىق سەنىم زامانىندا اقجار تاۋلارى قاسيەتتى دەپ سانالعان. كونە تۇرىك اڭىزىنا سايكەس، وسى شىڭداردان ادامدارعا قۇدايلاردىڭ ۇلدارى تۇسكەن. بەلگىلى «كوسموپويسك» توبىنىڭ ۋفولوگتارى كوشپەندىلەر العاش رەت وزگە پلانەتا تۇرعىندارىمەن وسى جەردە كەزدەستى دەپ سانايدى.
ەجەلگى زاماندا شۋمەرلەر - كونە تۇرىكتەر كىشى انۋنناكا قۇدايلارىنا سەنگەن. ولاردىڭ سەنىمىنە قاراعاندا، ولار ادام تاعدىرىن شەشۋ ءۇشىن كوكتەن جەرگە قۋىلعان. زاماناۋي ۋفولوگتار كونە تۇرىكتەر انۋنناكا دەپ وزگە پلانەتا تۇرعىندارىن اتاعان دەپ ەسەپتەيدى. ال اقجار تاۋلارى - بۇل «جۇلدىزدى دەسانتتى» جەرگە تۇسىرەتىن ورىن بولۋى ىقتيمال. وزگە پلانەتا تۇرعىندارى كونە تۇرىكتەرمەن ءوز وركەنيەتىن قۇرىپ، ولارعا مەتاللۋرگيا سالاسىندا ءبىلىم بەرۋى مۇمكىن. جاسى ءۇش مىڭ جىلعا باعالانعان كونە ەرىتۋ ورىندارىنىڭ ءبىرى جەزقازعان ماڭىنان تابىلعان. اقجار تاۋى سونىڭ ماڭىندا ورنالاسقان.
ۋفولوگتار انۋنناكالار ليۆانداعى باالبەك عيباداتحاناسىن سالدى دەپ سانايدى. ونىڭ فۋندامەنتى ءاربىرىنىڭ سالماعى 800 توننانى قۇرايتىن ءۇش پليتادان تۇرادى. وزىق تەحنولوگيالاردى پايدالانىپ تا مۇنداي ءۇيىندىنى جىلجىتۋ مۇمكىن ەمەس.
