قىتاي تۇزعا مەملەكەتتىك مونوپوليانى جويماق
رەفورمالاردى دامىتۋ جونىندەگى مەملەكەتتىك كوميتەت جاريا ەتكەن مالىمەتتەرگە قاراعاندا، زاڭ كۇشىنە 2017 -جىلدىڭ 1-قاڭتارىندا ەنەدى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
ۆەدومستۆو مالىمدەمەسى بويىنشا، دەمالىس كۇندەرى كوتەرمە جانە بولشەك باعالار ءوندىرىستىڭ وزىندىك باعاسىمەن، ءونىم ساپاسى مەن نارىقتاعى باعا ارقىلى رەتتەلەدى. بۇرىن بۇل ماسەلەنى ۇكىمەت رەتتەپ كەلگەن.
كوميتەت حابارلاماسىندا سونىمەن قاتار، وڭىرلىك بيلىك وكىلدەرى مەن كومپانيالارعا اتالمىش زاڭنىڭ كۇشىنە ەنۋىنە دايىندالىپ، قاجەت جاعدايدا ۇسىنىستىڭ ازايۋى نەمەسە تۇزدىڭ باعاسى ءوسىپ كەتكەندە ءتيىستى شەشىم قابىلداپ ۇيرەنۋ كەرەكتىگى ايتىلعان. بۇل نارىقتاعى تۇزعا بايلانىستى جاعدايدى رەتتەۋ ءۇشىن قاجەت.
قىتاي الەمدە تۇزدى ءىرى كولەمدە تۇتىنۋشىلاردىڭ ءبىرى. ساراپشىلاردىڭ باعالاۋلارىن بويىنشا، ق ح ر تۇزعا دەگەن الەمدىك سۇرانىستىڭ 25 پايىزىن قاناعاتتاندىرادى. بۇل ەلدە بۇگىندە 300 ءونىم ءوندىرۋشى جانە 4 مىڭعا جۋىق تۇز تاسىمالداۋشى بار.
قىتاي بيلىگى تۇزعا دەگەن سالىقتى 2 مىڭ جىلدان استام ۋاقىت رەتتەپ كەلدى. ءبىزدىڭ ە. د. 119 -جىلداردا حان ديناستياسىنىڭ باسقارۋى كەزىندە يمپەراتور ۋ اتالمىش ءونىم تۇرىنە مەملەكەتتىك مونوپوليا ەنگىزگەن. قازىرگى زامانعى قىتايدا تۇزدى ءوندىرۋ مەن ساۋدالاۋدى مەملەكەتتىك رەتتەۋ 1950 - جىلى، قىتاي حالىق رەسپۋبليكاسىنىڭ نەگىزى قالانعاننان كەيىنگى از ۋاقىتتىڭ ىشىندە عانا ەنگىزىلگەن. قازىرگى تاڭدا بۇل سالا قىتاي مەملەكەتتىك تۇز ونەركاسىبى كورپوراتسياسىنا باعىنىشتى.
