سوڭعى ەكى جىلدا قازاقستاندا قانشا بالالار ءۇيى جابىلعانى بەلگىلى بولدى
بۇل تۋرالى «قازاقپاراتتىڭ» رەسمي ساۋالىنا جاۋاپ بەرگەن ق ر ب ع م بالالاردىڭ قۇقىقتارىن قورعاۋ كوميتەتىنەن حابارلاندى.
«ولاردىڭ ىشىندە قازاقستاندىق ازاماتتاردىڭ وتباسىلارىندا 19761 بالا تاربيەلەنۋدە، پاتروناتتىق تاربيەدە - 1839 بالا بار. اتا- اناسىنىڭ قامقورلىعىنسىز قالعان 8066 بالا تولىق مەملەكەتتىڭ قامقورلىعىندا. سونىڭ اراسىندا 6436 بالا ءبىلىم بەرۋ جۇيەسىندەگى 106 بالالار ۇيلەرىندە تاربيەلەنۋدە. 828 بالا دەنساۋلىق ساقتاۋ جۇيەسىندەگى 23 سابيلەر ۇيلەرىندە، ال 802 بالا حالىقتى الەۋمەتتىك قورعاۋ جۇيەسىندەگى 17 مۇگەدەكتەرگە ارنالعان ۇيلەردە تاربيەلەنۋدە»، - دەلىنگەن كوميتەت مالىمەتىندە.
اتاپ ايتقاندا، 2015 -جىلى جەتىم بالالار مەن اتا- اناسىنىڭ قامقورلىعىنسىز قالعان بالالاردى تاربيەلەيتىن ۇيىمدار 42 بىرلىككە قىسقاردى، سونداي-اق 2016 -جىلدىڭ 9 ايىندا وسىنداي 6 ۇيىم جابىلدى.
