بايگە ماۋسىمىنىڭ جابىلۋىنا وراي قىزىلجاردا قازاقستاننىڭ ۇزدىك شاباندوزدارى جينالدى

سولاردىڭ ىشىندە ۇشقىر بايگە، جورعا جارىس، جەلىستى جىلقى جارىسى، قۇنان بايگە جانە الامان بايگە بار.

ۇشقىر بايگەدە ءبىرىنشى بولىپ قۇنان ايعىرلار 1600 مەتر قاشىقتىقتا باسەكەلەستى. جارىستا گەركۋلەس اتتى جىلقىسىمەن العاش رەت قاتىسقان 18 جاستاعى اقمولا وبلىسىنىڭ وكىلى مەيىربەك احماتوۆ جەڭىسكە جەتتى.

«وسىعان دەيىن تەك بايگەگە قاتىسقانمىن. بالا كەزىمنەن جىلقىلارعا اۋەس بولىپ، سپورتتىڭ وسى ءتۇرىن تاڭدادىم. قىرعىزستاننان كەلدىم، اقمولا وبلىسىنىڭ نامىسىن قورعادىم. الدا دا جەڭىستەرگە جەتكىم كەلەدى. بۇگىن قارسىلاستارىم مىقتى بولدى»، - دەدى شاباندوز.

جەلىستى جىلقى جارىسىندا شاباندوز قاجىمۇرات ءزارىپوۆ باحۋس اتتى جىلقىسىمەن ۇزدىك ناتيجە كورسەتتى. كورسەتكىشى - 3.10,02.

جارىسقا سولتۇستىك قازاقستان، اقمولا وبلىستارىنان، استانا جانە اقتوبە قالالارىنان 50 گە جۋىق جىلقى قاتىستى. ۇيىمداستىرۋشىلاردىڭ ايتۋىنشا، بۇل جارىستار 2016 -جىلعى جازعى جارىس ماۋسىمىن جابادى جانە ول ق ر تاۋەلسىزدىگىنىڭ 25 جىلدىعىنا ورايلاستىرىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى