سارى مايدىڭ پايداسى مەن زيانى

بىرەۋلەر ونى دەنساۋلىققا قاۋىپتى تاعام دەسە، ەندى ءبىرى سارىمايدى تاماق راتسيونىنان مۇلدەم الىپ تاستاۋ ودان دا ءقاۋىپتى ەكەندىگىن العا تارتادى، دەپ جازادى massaget.kz.

قۇرامى

سارىماي مينەرالدى زاتتارعا باي تاعام. ونىڭ قۇرامىندا كاليي، فوسفور، كالتسي، ناتري، سەلەن، ماگني، تەمىر، مىرىش، مىس جانە مارگانەتس بار. وعان قوسا، كەيبىر تۇرلەرىنىڭ قۇرامىندا ا، ە جانە ك دارۋمەندەرىمەن قاتار، ر ر، ۆ1, ۆ2, ۆ5 جانە D دارۋمەندەرىن دە كەزدەستىرۋگە بولادى.

دەي تۇرا، سارىمايدىڭ قۇرامىنداعى ماي ۇلەسى ادام اعزاسىنا قاجەتتى شامادان 2,5 ەسە كوپ ەكەندىگىن ەسكەرۋ كەرەك. وسى جاعداي حولەستەرينگە دە قاتىستى.

زيانى:

- سارىماي دەنە سالماعى ارتىق ادامعا، البەتتە زيانىن تيگىزەتىن تاعام.

- ءسۇت ونىمدەرىنە، سونىڭ ىشىندە سيىر سۇتىنە اللەرگياسى بار جاندارعا سارىمايدى تۇتىنباعان ابزال.

- سارىمايدان اۋلاق بولۋدىڭ تاعى ءبىر سەبەبى - ونىڭ قۇرامىنداعى حولەستەرين مولشەرىنىڭ تىم جوعارۋ بولۋى.

پايداسى:

ايەل اعزاسىندا حولەستەرين جەتىسپەگەن كەزدە، بۇل ونى بەدەۋلىككە الىپ كەلەدى. وعان قوسا، مايدى از تۇتىنۋ - مەنوپاۋزا ۋاقىتىن جاقىنداتا تۇسەدى.

ءوزىنىڭ تاماق راتسيونىنا قاجەتتى مولشەردە سارىماي قوسقان ادامنىڭ اسقازانىنداعى كىشكەنتاي جارالار جازىلا باستايدى. سوندىقتان اسقازانى اۋىراتىن ادامدارعا سارىمايدان باس تارتپاعان ءجون.

كۇنىنە جەلىنگەن 50 گرامم ماي كوز بەن سۇيەك ساۋلىعىنا كەپىل بولا الادى. سارىماي ادامنىڭ يممۋنيتەتىن كۇشەيتىپ، بەلسەندىلىگىن ارتتىرا تۇسەدى.

اعزاعا قاجەتتى مولشەرى

سارىمايدىڭ زيانى مەن پايداسىن ءبىر تارازى باسىنا قويساق، پايداسى باسىمدىراق ەكەندىگىنە كوز جەتكىزۋگە بولادى. سارىمايدان مۇلدەم باس تارتۋ، دەنساۋلىققا ايتارلىقتاي زيانىن تيگىزەدى. ءبىراق ەگەر ءسىز كۇندەلىكتى تاماق راتسيونىنا 30 گرامم سارىماي قوساتىن بولساڭىز، بۇل ءسىزدىڭ سىمباتىڭىزعا ەش قاۋىپ توندىرمەي، اعزاڭىزدىڭ ساۋ بولۋىنا كومەكتەسەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى