انكارادا پوليتسيا وپەراتسياسى كەزىندە ەكى لاڭكەس ءوزىن جارىپ جىبەردى
NTV تەلەارناسىنىڭ اقپاراتىنشا، پوليتسيا دايىندالىپ جاتقان قىلمىس تۋرالى اقپاراتتى العان سوڭ، بۇگىن جەرگىلىكتى ۋاقىتپەن شامامەن ساعات 6:00-دە انكارادان 30 شاقىرىم جەردەگى حايمان اۋدانىنداعى اڭشىلار ءۇيىن قورشاۋعا العان. پوليتسەيلەر ونداعى سودىرلارعا بەرىلۋدى تالاپ ەتكەندە، ولار وزدەرىن جارىپ جىبەرگەن.
كۇش قۇرىلىمدارى اراسىندا جاپا شەككەندەر تۋرالى اقپارات تۇسپەدى، دەگەن تەلەارنانىڭ سوزدەرىن كەلتىرەدى ت ا س س.
بولجام بويىنشا، سودىرلار تۇركيادا تىيىم سالىنعان كۇردىستان جۇمىس پارتياسىنىڭ مۇشەلەرى بولعان. الايدا بۇل اقپارات رەسمي راستالمادى.
انكارا گۋبەرناتورى ەردجان توپادجا پوليتسەي شاراسى كەزىندە ەكى لاڭكەس ءوزىن جارعانىن راستادى.
«ولاردىڭ بىرەۋىنىڭ كىم بولعانى انىقتالدى، ەكىنشىسى بولجام بويىنشا ايەل بولعان. ءۇشىنشى ادام بولدى دەگەن كۇدىك بار. ونى ىزدەۋ جۇمىستارى جالعاسىپ جاتىر»، - دەدى گۋبەرناتور NTV تەلەارناسىنىڭ ەفيرىندە.
