قازاق عالىمىنا ونەرتاپقىشتىعى ءۇشىن ەۋروپالىق پاتەنت بەرىلدى

 جانۋ قوندىرعىسىنىڭ كونسترۋكسياسىنا الدىن الا جاسالعان پاتەنتتىك شولۋ ونىڭ الەمدە تەڭدەسى جوق ەكەندىگىن كورسەتتى. عالىمنىڭ ويىن دالەلدەۋ ءۇشىن قازاقستان مەن رەسەي پاتەنتتىك ۆەدومستۆوسىنا تۋىندى جايلى تاپسىرىس بۇعان دەيىن بەرىلگەن بولاتىن. تۋىندىنىڭ ناتيجەسى جاعىمدى جاعىنان كورىنگەن سوڭ بارىپ ەۋروپالىق پاتەنتتىك ۆەدومستۆوعا جىبەرىلدى.

 كومىرسۋتەگى وتىنىن جاعاتىن قوندىرعى 26 ايدىڭ ىشىندە وتەتىن حالىقارالىق ر س ت ساراپتاماسىنان 33 ايدا ءوتتى. تۋىندىنىڭ الەمنىڭ ءارتۇرلى تىلدەرىندە 100 گە جۋىق انالوگتەرى مەن پروتوتيپتەرى ۇسىنىلدى. عالىم ۇسىنىپ وتىرعان تۋىندىسىنىڭ ءتىل جەتپەس يننوۆاتسيا ەكەندىگىن دالەلدەۋگە قول جەتكىزدى. سول سەبەپتى ەۋروپالىق پاتەنتتىك ۆەدومستۆو ەۋروپالىق 38 ەلدىڭ عالىمدارى مويىنداپ، عالىمنىڭ 20 جىلدان بەرى توككەن ەڭبەگىن باعالاپ جانۋ سالاسى بويىنشا «ЕР 2864700» پاتەنتتىك گراموتاسىن بەرۋگە شەشىم قابىلدادى.

پاتەنتتەلگەن جانۋ قوندىرعىسى ديزەلدىك جانە پەشتىك وتىندى، پايدالانىلعان وسىمدىك مايىن، مازۋتتى، سۋ- مازۋت ەمۋلسياسىن، گاز وتىنىن بىردەي ءتيىمدى جاعادى. الەمدە كومىرسۋتەگى وتىنىن ءتيىمدى جاعاتىن جەتىلدىرىلگەن قوندىرعىنىڭ بىرنەشە ميلليونداعان ونەرتابىستارى بار. ءبىراق اتالعان جاڭالىق بۇل پروبلەمانى شەشۋدە وزەكتى ورىن الادى. قازىرگى تاڭدا جىلۋ مەن ەلەكتر ەنەرگياسىنىڭ نەگىزگى كوزى قاتتى، سۇيىق جانە گاز تۇرىندەگى كومىرسۋتەگى وتىنى بولىپ تابىلادى. شەتەلدىك جانە وتاندىق عالىمدار جانۋ قوندىرعىسىندا كومىرسۋتەگىنىڭ ءتيىمدى جانۋ پروتسەسىنە اسا زور نازار اۋدارادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى