قۇلاقتى تازالاۋ زيان
ءتىپتى، ول ءۇشىن ارنايى قۇلاق تازالايتىن ماقتالار دا شىعارىلعان. ال، ەندى قۇلاقتى تازالاۋ دۇرىس پا؟
دارىگەر مامانداردىڭ ايتۋى بويىنشا قۇلىق قويمالجىڭ سۇيىق كۇيدە بولاتىن. قۇلىق - قوقىسقا جاتپايدى. قايتا باكتەريالاردان، ءتۇرلى ىسىنۋلەردەن، جاندىكتەردىڭ قۇلاق ىشىنە كىرىپ كەتۋىنەن، قۇرعاقتىقتى ساقتايدى. ق ۇلىقتى قۇلاقتىڭ ىشكى قۋىسىندا ورنالاسقان ارنايى تەمىرلەر بولەدى. قۇلاقتاعى قۇلىق تازالىق ساقتاماۋدىڭ ءبىر كورىنىسى ەمەستىگىن جوعارىداعى ءسوزىمىز دالەلدەيدى. ق ۇلىقتى تازالاۋ زيان تيگىزۋى مۇمكىن.
ونىڭ ءبولىنۋى تابيعي نارسە. ونى تازالاۋدىڭ قاجەتى جوق. سەبەبى، ول باسىندا قويمالجىڭ سۇيىق تۇردە بولىنگەنىمەن، سوڭىندا كەۋىپ، قۇرعاق كۇيگە اينالادى. ءبىرشاما ۋاقىتتان كەيىن ءوزى- اق ءتۇسىپ قالادى. تەك شاشتى جۋعاندا قۇلاقتىڭ قۋىسىن دىمقىل ساۋساقپەن ءسۇرتىپ تۇرسا جەتەدى. ادام دارەت العاندا دا قۇلاققا مىندەتتى تۇردە ءماسىح تارتىلادى (سۇرتىلەدى). مىسالعا، ابدۋللا يبن امر جەتكىزگەن حاديستە: «اللا ەلشىسى (س. ع. س. ) باسىنا ءماسىح تارتقاننان كەيىن، سۇق ساۋساعىن قۇلاعىنا تىعىپ، باس بارماعىمەن قۇلاعىنىڭ ارتقى جاعىن ءسۇرتتى» دەلىنگەن. ياعني، قۇلاق دارەت الۋ كەزىندە سۇق ساۋساق سىياتىن جەرگە دەيىن تازالانادى.
قۇلاق تازالاۋدا تۇرعان نە بار؟ سوعان توقتالايىق. قۇلاقتى تازالاۋ ءۇشىن قۇلاق قۋىسىنا ماقتا تاياقشالارىن تىعامىز. ول ءوز كەزەگىندە الدىمەن قۇلىقتى ارى يتەرىپ، قۇلاقتىڭ پەردەسىنە تيگىزەدى. نەگىزىندە قۇلىق دەگەن قۇلاقتىڭ پەردەسىنە دەيىنگى جەردە جاتاتىن نارسە. قۇلاقتىڭ پەردەسىنە بىرنارسە تيەر بولسا، وندا دىبىس ەستۋ ناشارلايدى. سوندىقتان، قۇلىقتىڭ ءبولىنۋى تابيعي نارسە. ونى تازالاۋدىڭ قاجەتى شامالى.
مىناداي جاعدايلار دا كەزدەسەدى. ءبىر كىسىلەردىڭ نەمەسە بالالاردىڭ قۇلاعىنان كوپ كولەمدە قۇلىق اعىپ، قۇلاقتىڭ سىرتىنا دەيىن شىعىپ جاتادى. ول قۇلاقتىڭ اۋرۋى بولۋى مۇمكىن. سوندىقتان، ونى تەز ارادا دارىگەرگە كورسەتۋ كەرەك.
ال، قۇلاقتىڭ شىڭىلداۋىنا كەلەر بولساق، مەديتسينا ماماندارىنىڭ پىكىرىنشە ادامداعى سوزىلمالى اۋرۋلارمەن بايلانىستى دەپ توپشىلايدى.
muslim.kz
