وسىدان ون بەس جىل بۇرىن وتاندىق جۇلدىزدار قالاي كيىنگەن؟ - فوتو

سونىمەن ءبىزدىڭ ارتىستەر وسىدان ون- ون بەس جىل بۇرىن قالاي كيىنگەن دەپ جازادى ztb.kz.

وسىدان ون بەس جىل بۇرىن وتاندىق جۇلدىزدار قالاي كيىنگەن؟

بۇل ارالىقتىڭ ءسانى تىم كوپ جىلتىراق پەن تىم از ماتاسىمەن ەستە قالدى. ءبارى ءوز وبرازدارىندا ءجيى ەكپەريمەنت جاسايتىن. ءبىزدىڭ جۇلدىزدار دا سىناقتان كەندە قالماپتى.

ديلناز احماديەۆا

ديلنازدىڭ وبرازىندا ءبارى كەرەمەت - اق يۋبكا دا، اق شلياپا دا، ءتىپتى اق ەتىك تە. ەكىنشى سۋرەتتە ءانشى «كوۆبويلىق» ستيلدە كيىنگىسى كەلگەن- اۋ، ۇزىن يۋبكا مەن دجينس كەۋدەشە، تاعى شلياپا جانە ەتىك. ءبارى بىرىككەندە، ءبىرتۇرلى كورىنەتىنى جاسىرىن ەمەس، ءبىراق.

اشا ماتاي

اشا شوۋ- بيزنەسكە جاڭا كەلگەندە، ءدال وسىلاي كيىنەتىن: جىلتىراعان التىن ءتۇستى پيدجاك، بارقىت قولعاپ، «شەڭبەر» سىرعا، ۇلكەن بەلدىك جانە قابىلان ءتۇستى كويلەك. تۇسىنىكسىزدەۋ بولسا دا، اشا وسى وبرازىمەن ساحناعا دا شىققان ەدى.

ماقپال يسابەكوۆا

سول كەزدەردىڭ ەڭ ءبىر ورىنسىز كيىمى وسى شىعار - قىسقا لوسينالار. ونىڭ ۇستىنە ماقپال سياقتى ءبارى دە ۇزىن تۋنيكا كيەتىن. ال ماقپال، ءتىپتى، ونىڭ سىرتىنا بارقىت پيدجاك قوسقان ەكەن، ارينە، «شەڭبەر» سىرعاسىز وبراز وبراز بولمايدى. ەكىنشى سۋرەتتە ءانشىنىڭ كيىمى كورىنبەي تۇر، ءبىراق موينىنداعى قىزىل لەنتا باستى ءرولدى اتقارىپ تۇرعانى انىق.

الماس كىشكەنبايەۆ

قازىر ءبىراز تولىسىپ العان الماس ول كەزدەرى اپ- ارىق بوزبالا بولاتىن. سوندىقتان شىعار، ونىڭ جالاڭاش دەنەسىنە كيگەن پيدجاگى ايتارلىقتاي جاراسىمدى كورىنبەيدى. ال باسىنداعى باس كيىمى مەن ۇلكەن قالتالى شالبارى ءبىراز كۇلكىلى ەكەنى دە راس.

پەرتسى توبى

بۇل جىگىتتەرگە بالاعى كەڭ شالبار مەن ەتىك جاراسىمدى كورىنەدى دەپ كىم ايتقانىن بىلمەيمىز، ءبىراق بۇل توپتا ونى بويى ۇزىن ەۆگەنيي گارتۋنگ قانا كيە الاتىنى تۇسىنىكتى. جىلتىراعان، ۇلكەن اكسەسۋارلار، كۇلگىن بومبەر، شالبارداعى ورنەكتەر - ءبارى دە «كوزدىڭ جاۋىن الادى».

 Сhina Town توبى

 پەرتسى توبىمەن بىرگە قازاق ەستراداسىندا پايدا بولعان بۇل توپتىڭ قىزدارى دا جىلتىراقتان باس تارتپاعان سىڭايلى. قىزدار ءبارىن بىردەن كيگەن: بىلعارى، قىسقا شولاق شالبار، اڭ تەرىسى، اۋىر بەلدىكتەر. ايتپاقشى، قىزىل لاتەكس كورسەتتەگى ارۋ - دينارا سۇلتان.

نۇرجان كەرمەنبايەۆ

بۇل جەردە نۇرجان شىعىس ستيلىندە كورىنىپتى. وعان ءوز وبرازىنداعى ءۇندى قيارلارىنىڭ بەينەسى بار جەيدە، قىتاي ايداھارىنىڭ سۋرەتى بەينەلەنگەن، جىلتىراق بومبەر، ۇلكەن بەلدىك ۇناپ تۇرعانى انىق.

داۋىس International

مۇنداي اشىق ساحنا كيىمىنە ول كەزدە ۆياگرا دا قىزىققان شىعار. قىسقا كويلەك پەن ۇزىن ەتىك ول كەزدە ءسان- تۇعىن. ارينە، بۇل توپتى دا جۇقا كيىمنىڭ ۇستىنەن كيىلگەن قالىڭ اڭ تەرىسى اينالىپ وتپەگەن ەكەن.

بايان ماقسات قىزى

قىسقا اق كويلەكتى قارا كولگوتكيمەن، اق شلياپامەن كيگەندەرىڭىز بار ما؟ مىنا سۋرەتتەگى قىزدى بۇگىندە وتە ءساندى، تالعاممەن كيىنەتىن بايان دەپ ايتۋ قيىن، شىنىندا دا.

ءجاميلا سەركەبايەۆا

2000 -جىلدارى جاس قىزداردىڭ سۇيىكتى كيىمى وسى - ۇزىن، ۇشكىر، جىلتىر ەتىك. اتاقتى سكريپكاشى ارۋ قارا كويلەكپەن ۇزىن قىزىل ەتىك، ۇزىن قىزىل جامىلعى، قىزىل سومكە، ارينە، ۇزىن قىزىل قولعاپ كيىپ شىعىپتى. ءجاميلا سول كەشتىڭ «جۇلدىزى» اتانعان شىعار.

ءمولدىر اۋەلبەكوۆا

بۇگىندە ۇستامدى، ۇزىن كويلەكتەر كيەتىن ءانشى ءمولدىر ول جىلدارى "كەشيۋ- دىڭ" قۇرامىندا ساحناعا جاي شىقپايتىن. وزگەرمەيتىن قابىلان ءتۇس، قىسقا، اشىق كويلەك، ءتىپتى قوڭىر دالاپ - ءمولدىردىڭ توپ مۇشەسى كەزىندەگى ءجيى كورىنەتىن ۇلگىسى بولدى.

zhambylnews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى