وسكەمەندە پوليتسەيدى كولىكپەن قاعىپ ولتىرگەن ايەل بوستاندىققا شىعۋى مۇمكىن

ەكى جىلعا سوتتالعان ول، ەندىگىدە جازاسىنىڭ قالعان مەرزىمىن ايىپپۇلعا اۋىستىرۋدى سۇراپ وتىر. سوت ايىپكەردىڭ ءوتىنىمىن قاناعاتتاندىردى جانە جاقىن ارادا ايەل كولونيادان شىعۋى مۇمكىن، دەپ حابارلادى قازاقپارات YK-news.kz سايتىنا سىلتەمە جاساپ.

ەستەرىڭىزدە بولسا، جول- كولىك اپاتى وتكەن جىلى جەلتوقساننىڭ 26 نان 27 ىنە قاراعان ءتۇنى كۇلەنوۆ اۋىلىندا بولعان ەدى. تەرگەۋدىڭ انىقتاۋىنشا، «ك ش ت» مەيرامحاناسىنداعى كورپوراتيۆتى كەشتەن شىققان ب. باقىتجانوۆا ماس كۇيىندە «نيسسان مۋرانو» كولىگىنە وتىرىپ، ءوزىنىڭ تانىسى ميرحات وتچەگاروۆتى قاعىپ كەتتى. جۇرگىزۋشى وقيعا ورنىنان بوي تاسالادى، ال زارداپ شەگۋشى العان جاراقاتتان كوز جۇمدى.

15 -ساۋىردە №2 -وسكەمەن سوتى بوتاگوز باقىتجانوۆانى قونىستانۋ كولونياسىنا ەكى جىلعا باس بوستاندىعىنان ايىرۋ جازاسىنا كەستى جانە زارداپ شەگۋشى تاراپتىڭ مورالدىق شىعىن رەتىندە 3 ميلليون تەڭگە ءوندىرىپ الۋ تۋرالى ازاماتتىق تالابىن قاناعاتتاندىردى. قازا تاپقان پوليتسەيدىڭ تۋىستارى شىعارىلعان شەشىممەن كەلىسپەي، ش ق و وبلىستىق سوتىنا اپەللياتسيالىق شاعىم ءتۇسىردى.

جارتى جىل وتپەي جاتىپ، 23 -قىركۇيەك كۇنى باقىتجانوۆا قونىستانۋ كولونياسىندا وتەپ جاتقان مەرزىمىن جەڭىلىرەك جازاعا اۋىستىرۋ تۋرالى ءوتىنىم جازدى.

سوتتالۋشىنىڭ جاعىمدى مىنەزدەمەسىن نەگىزگە الا وتىرىپ، سوت ول جازانى تولىق كولەمدە وتەۋدى قاجەت ەتپەيدى دەگەن ۇيعارىم شىعاردى.

«سوتتالۋشىنىڭ ءوتىنىشحاتى قاناعاتتاندىرىلسىن، جازانىڭ وتەلمەگەن بولىگى 271488 تەڭگە كولەمىندەگى ايىپپۇلعا (وتەلمەگەن جازانىڭ ءار 4 كۇنىنە 1 ا ە ك - رەد. ) اۋىستىرىلسىن»، - دەگەن شەشىم شىعاردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى