زاڭسىز قۋىلعان مەدبيكە سوت شەشىمىمەن جۇمىسقا قايتا الىندى

سوت انىقتاعانداي، ازاماتشا ي. 2016 -جىلدىڭ 3 -قاڭتارىنان باستاپ پسيحونەۆرولوگيالىق اۋرۋلارى بار مۇگەدەكتەرگە ارنالعان مەديتسينالىق- الەۋمەتتىك مەكەمەسىندە باس مەدبيكە قىزمەتىن اتقارعان. جۇمىس ىستەۋ كەزەڭىندە ول تارتىپتىك جازالارعا تارتىلعان. 2015 -جىلدىڭ 15 -جەلتوقسانىندا سانيتارلىق- ەپيدەميولوگيالىق نورمالاردى بۇزعانى ءۇشىن وعان ەسكەرتۋ جاسالدى. 2015 -جىلدىڭ 28 -قاڭتارىندا تارتىپتىك جازا سوگىس تۇرىندە، 2016 -جىلدىڭ 20 -قاڭتارىندا گيگيەنالىق زاتتاردى دۇرىس بەرمەگەنى ءۇشىن قاتاڭ سوگىس جاريالانعان. 2016 -جىلدىڭ 2 -ماۋسىمىندا مەدبيكە جۇمىس بەرۋشى تاراپىنان جۇمىستان شىعارىلدى.

سوت مەدبيكە جاساعان ءتارتىپ بۇزۋشىلىقتار ەلەۋلى ەمەستىگىن، جۇيەلى تۇردە جاسالماعانىن جانە جۇمىستان بوساتۋعا نەگىز بولا المايتىنىن انىقتادى.

سوت شەشىمىمەن جۇمىسقا قايتا الۋ جانە امالسىز بوس جۇرگەن ۋاقىتى ءۇشىن ەڭبەكاقىنى ءوندىرىپ الۋ تۋرالى مەديتسينالىق- الەۋمەتتىك مەكەمەسىنىڭ بۇرىنعى باس مەدبيكەسىنىڭ تالاپ ارىزى قاناعاتتاندىرىلدى. ازاماتشا ي- دىڭ مەديتسينالىق- الەۋمەتتىك مەكەمەسىنىڭ ديرەكتورىمەن جاسالعان ەڭبەك شارتىنىڭ بۇزىلۋ تۋرالى بۇيرىعىنىڭ كۇشى جويىلدى. ازاماتشا ي. جۇمىسقا قايتا الىندى. سونىمەن قاتار، سوت جۇمىس بەرۋشىدەن ازاماتشا ي- دىڭ پايداسىنا امالسىز بوس جۇرگەن ۋاقىتى ءۇشىن ەڭبەكاقىنى ءوندىرىپ الدى.

سوت شەشىمىمەن ازاماتشا ي- دى جۇمىسقا قايتا الۋ جانە ەڭبەكاقىنى ءوندىرىپ الۋ تۋرالى بولىگىندە دەرەۋ ورىندالۋى ءتيىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى