الماتىدا جوعالعان بويجەتكەندى تانىسى كۇشتەپ ۇستاعان

انىقتالعانداي، ونى 4 كۇن بويى تانىسى قاماپ قويىپ، قيناپ ۇستاعان.

قىزدىڭ اعاسى راشيد تۇرسىنوۆتىڭ ايتۋىنشا، پوليتسيا ديانانى GPS- ناۆيگاتورى ارقىلى تاپقان.

«ديانانى باعاناشىل اۋىلىنان تاپتىق. ونى جىگىتى ۇرلاپ كەتكەن. تەلەفونىن قولىنا بەرمەي قويعان. ولاردى اۋداندىق ءىىب الىپ كەتتى. ديانا ول جىگىتپەن سايت ارقىلى تانىسىپ، بىرنەشە اي بويى حابارلاسىپ كەلگەنىن ايتتى»، - دەدى راشيد.

ونىڭ ايتۋىنشا، جىگىتتىڭ ديانانى نە ءۇشىن ۇرلاعانى ءالى بەلگىسىز.

«ۇيلەنۋ تۋرالى ارالارىندا ءسوز بولماعان. پوليتسيا سۇراقتىڭ استىنا العاننان كەيىن عانا، ول ۇيلەنگىسى كەلگەنىن ايتىپتى. ال 4 كۇن بويى قاماپ ۇستاعاندا، ونداي ءسوز بولماعان. ءداستۇر بويىنشا، قىزدى الىپ قاشقاننان كەيىن، قۇدالار «اياققا جىعىلىپ» ءبىر تاۋلىك ىشىندە كەلەدى. بۇل ونىڭ قاتەلىگى»، - دەدى ر. تۇرسىنوۆ.

ەسكە سالا كەتەيىك، ديانا سوۆەتقاننىڭ جوعالعانى تۋرالى تۋىستارى 2 -قازان كۇنى حابارلاعان بولاتىن. ول ۇيدەن جۇمىسىنا كەتىپ، ورالماعان. ديانا «مامىر» شاعىناۋدانىندا بالا كۇتۋشى بولىپ جۇمىس جاساعان. قىزدى ىزدەۋگە 20 ەرىكتى تارتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى