ماحابباتتىڭ ەمدىك قاسيەتتەرى
شىن مانىندە، دارىگەرلەر دە، پسيحولوگتار دا مۇنى «جانعا جىلۋ، بويعا قۋات» سىيلايتىن ەمدىك قاسيەتى بار دەپ سانايدى. ەكەۋدىڭ ەسىن شىعاراتىن ساتتەر ادامنىڭ جۇيكەسىن جۇمسارتىپ، دەنساۋلىعىن شىڭدايدى. سوندىقتان ەر ازاماتتار ءوز ءومىرىن ءماندى وتكىزۋى ءۇشىن ءاردايىم بابىندا بولۋى ءتيىس. سەنبەسەڭىز، سەكسوپوتولوگ مامانداردىڭ مىنا پىكىرىنە نازار اۋدارىپ كورىڭىز.
• ماحاببات جۇرەككە ەم
وڭاشا ساتتەردە ايەل مەن ەر ادامنىڭ جاقىنداسۋى جۇرەك قاعىسىن جەدەلدەتەدى جانە جاقسارتادى. ءتىپتى مۇنى جۇرەككە جاسالاتىن ماسساج دەۋگە نەگىز دە بار. وسىلايشا ءبىز قان تامىرلارى جۇيەسىن جاتتىقتىرامىز. بۇل - ءار ەركەكتىڭ كۇش- قۋاتىن ساقتاۋىنا، اعزاسىنىڭ قالىپتى جۇمىس ىستەۋىنە كومەكتەسەدى.
• ماحاببات ءتان تازارتادى
سەكسۋالدىق قوزۋ اعزادا ەندورفيندەردىڭ (حيميالىق زاتتار) بولىنۋىنە ىقپال ەتەدى. ءدال وسى زات ادامنىڭ تۇلا بويىن دەل- سال كۇيگە ءتۇسىرىپ، راقاتقا بولەيدى. بۇل ادامنىڭ اراق ءىشىپ، بوي جەڭىلدەكەنىنەن اناعۇرلىم پايدالى.
• ماحاببات سترەسستەن قۇتقاراتىن ءدارى
ءبىر مەزگىل جانىڭنىڭ تىنىش تاپقانى كوڭىل كۇيدى كوتەرىپ، سەر¬گەك جۇرۋگە كومەكتەسەدى. اينالاڭىزعا نازار اۋدارىپ كورىڭىزشى، ۇنەمى اشۋلانىپ، سەلقوس جۇرەتىندەر - ماحابباتتا جولى بولماعاندار. ولار كەز كەلگەن دەرتكە توتەپ بەرە المايدى. سوندىقتان اۋرۋدان اۋلاق جۇرگىڭىز كەلسە، سەزىمگە تەجەۋ سالماڭىز.
• ماحاببات ناعىز جاتتىعۋ
سەكسۋالدىق «ويىندار» دەنە جاتتىعۋلارىنان ەش كەم سوقپايدى. ول ادام بويىنداعى ەپتىلىك پەن يكەمدىلىكتى جەتىلدىرىپ، بۇلشىق ەتتەرىن دامىتادى. ادامدى شارشاتپايتىن دا، جالىقتىرمايتىن دا جاتتىعۋدىڭ تۇرىمەن ۇنەمى اۋىر جۇمىس ىستەيتىن جىگىتتەردىڭ اينالىسقانى پايدالى.
• ماحاببات اراقتى الماستىرادى
ەرتەدە توسەك قاتىناسىنا بارعان ەركەكتەردى ىلە- شالا ۇيىقتاپ قالماس ءۇشىن ايەلدەر مازاسىن العان. ويتكەنى بۇلاي ىستەۋ ارۋلارعا ۇنامايتىنى بىلاي تۇرسىن، ولار ءساتتى كەزدەردىڭ ەرەكشە استە قالعانىن ۇناتقان. ءارى بۇل ۇيقىسىزدىقتىڭ الدىن الاتىن دارىدەن ەش كەم ەمەس. وتە ۇنامدى كەزدەسۋدەن سوڭ جىگىتتەر كۇندەلىكتى ۇيقىدان ەكى ەسە جاقسى تىنىعادى ەكەن.
• ماحاببات قان اينالىمىن جاقسارتادى
ماقاش اعامىز ايتاتىن «كوك كورپەنىڭ» استىنداعى جاعدايدى بىلاي قويعاندا، سول توڭىرەكتە سىر ءبولىسۋدىڭ ءوزى ادامنىڭ دەلەبەسىن قوزدىرادى. مۇنىڭ ءوزى قان اينالىمىن جەدەلدەتىپ، تامىرلاردىڭ كەڭەيۋىن تەجەيدى.
• ماحاببات شاش كۇتىمىنە دە كومەكتەسەدى
قان اينالىمىنىڭ جاقسارۋى شاش ءتۇبىنىڭ قورەكتەنۋىنە مۇمكىندىك بەرەدى. ول شاشتىڭ سەلدىرەمەۋىنە جانە اق تۇسۋدەن ساقتاندىرادى. شاش - ادامنىڭ كوركى ەكەنىن ەسكەرسەك، ونى ساقتاۋدىڭ دا ءبىر جولى بارىن جادىڭىزدان شىعارماڭىز.
• ماحاببات قاتەرلى ىسىك ءپروستاتيتىنىڭ الدىن الادى
بارلىق ەركەكتەر شاۋ تارتا باستاسىمەن، جىنىس مۇشەسىنە تىكەلەي قاتىسى بار دەرتتەر بوي كورسەتەدى. دارىگەرلەردىڭ سوزىنە قاراعاندا، توسەك قاتىناسىمەن تۇراقتى اينالىسۋ ەڭ ءقاۋىپتى سانالاتىن قاتەرلى ىسىك ءپروستاتيتىنىڭ الدىن الادى.
• ماحاببات بەت الپەتىڭىزدى جاسارتادى
بەتكە ءاجىم تۇسىرمەۋ جانە ونىڭ ۇنەمى جۇمساق بولۋىنا تۇنگى ۇيقىمەن قاتار، جانىڭىزدا جۇپار ءيىسى اڭقىعان ايەلىڭىزدىڭ سىزگە دەگەن سەزىمىنە دە بايلانىستى. كۇندەلىكتى «داعدىلارىڭىزدان» اينىماساڭىزدار، بىرىڭىزگە ءبىرىڭىز جىلى ءسوز ارناۋدان جالىقپاساڭىزدار، بەت كۇتىمىنە قىرۋار اقشا شاشۋدىڭ قاجەتى شامالى.
• ماحابباتتىڭ ارىقتاۋعا دا اسەرى بار
بۇل - وتە قاراپايىم ءادىس. كۇندەلىكتى 10 مينۋت جىنىس قاتىناسىمەن بەلسەندى تۇردە اينالىسساڭىز، 200 كالوريا جوعالتاسىز. ءتىپتى 400, 600 كالوريا جوعالتساڭىز دا ەشكىم قارسى ەمەس.
• ماحاببات كوسمەتيكالىق ماسساج
ايەل اداممەن ءولىپ- ءوشىپ ءسۇيىسۋ - ادامنىڭ بەتىندە بولاتىن 29 بۇلشىق ەت بولىگىن قيمىلداتىپ، ەرىن، ءتىل جانە جاق ەتتەرىن جەتىلدىرەدى. بەتكە جاسايتىن تەگىن ءارى ناعىز ماسساج وسى.
• ماحاببات ءدارىنى الماستىرادى
البۋميندەر، مينەرالدى تۇزدار، ءتۇرلى ورگانيكالىق زاتتار ءسۇيىسۋ كەزىنەن باستاپ الماسادى. ول ينفەكتسياعا قارسى كۇرەسۋدىڭ ءتيىمدى جولى.
• ماحاببات اۋىرعان ادامدى ساۋىقتىرادى
ماحابباتتىڭ ءال ۇستىندە جاتقان ادامدى دا سەرگىتەتىن قاسيەتى بار. سوندىقتان توسەك تارتىپ قالار بولساڭىز، تىرشىلىكتەن تىم تۇڭىلمەڭىز. جارىڭىز جانىڭىزدا بولسا، بەل قۋاتىڭىزدىڭ مىقتىلىعىن ءبىر دالەلدەپ كورىڭىز. ءتىپتى جۇرەك دەرتىنەن زارداپ شەككەندە دە توسەك ماسەلەسىن ۇمىتپاڭىز.
• ماحاببات ەستە ساقتاۋ قابىلەتىن ارتتىرادى
گەونتولوگ ماماندار تويات تۇنىنەن جالىعا قويماعان قارتتاردىڭ ءوزى ەستە ساقتاۋ قابىلەتىن جوعالتپايتىنىن ايتادى. دەمەك، دەلەبە قوزدىرار دەمالىس ادام ميىنىڭ قالىپتى جۇمىس ىستەۋىنە سەپتىگىن تيگىزەدى.
• ماحاببات اس قورىتۋدى جاقسارتادى
سەكس ادامدى تىنىشتاندىرىپ، بويدى جەڭىلدەتەدى. ونىڭ ىشەك جولدارى مەن اسقازانعا دا اسەرى كۇشتى بولعاندىقتان، اس قورىتۋ جۇيەسىنىڭ وڭالارىنا دارىگەرلەر كەپىلدىك بەرەدى.
arular.kz
