قاراعاندى وبلىسىندا ەر ادام توي كورتەجى كولىگىنىڭ ۇستىنە ءمىنىپ بيلەگەن
بۇل جولى وقيعا قاراعاندى وبلىسىندا ورىن الدى. روليك Instagram جەلىسىندە جاريالاندى.
ۆيدەونى توي كورتەجىندەگىلەردىڭ ءبىرى ءتۇسىردى. كورتەج كولىكتەرىنىڭ ءبىرىنىڭ مەملەكەتتىك نومەرى ۆيدەوعا ىلىكتى.
«كولىكتىڭ ۇستىنە شىققانى نە؟ الدە جۇرتتى تاڭ قالدىرعىسى كەلدى مە؟ ول كولىكتىڭ استىنا ءتۇسىپ، سولاي بىرنەشە شاقىرىم ءجۇرىپ، كەيىن تاپ- تازا، جاراقاتسىز شىعا كەلگەن جاعدايدا مەن تاڭ قالار ەدىم»، - دەپ جازدى پايدالانۋشى nurgul.rakhim.
سوڭعى كەزدەرى قازاقستانداعى توي كورتەجدەرىنىڭ جولدا ءجۇرۋ ەرەجەلەرىن بۇزۋى جيىلەپ كەتتى. وسىلايشا، وسى ايدا شىمكەنتتە قاساقانا اپاتتىڭ ورىن الۋىنا جاعداي جاساعانى جانە قارسى جولاققا شىققانى ءۇشىن بەس جۇرگىزۋشىگە 10 ا ە ك كولەمىندە ايىپپۇل سالدى. جولدا ءجۇرۋ ەرەجەلەرىن قايتا بۇزسا، كولىك جۇرگىزۋ قۇقىعىنان ايىرىلۋى مۇمكىن.
