ازەربايجاننىڭ ءبىرىنشى حانىمى قازاقستاننىڭ جەتىستىكتەرىن جوعارى باعالادى
كەزدەسۋ بارىسىندا ءابدىقالىقوۆا ەكى ەل اراسىنداعى قارىم- قاتىناستار ءوزارا تۇسىنىستىك پەن بەيبىت كورشى رەتىندە دامىپ كەلە جاتقاندىعىن جانە ەكى ەلدىڭ كوزقاراستارى كوپتەگەن ماسەلەلەر بويىنشا سايكەس كەلەتىندىگىن اتاپ ءوتتى.
سونداي- اق ول قازاقستاننىڭ ب ۇ ۇ قاۋىپسىزدىك كەڭەسىنە تۇراقتى ەمەس مۇشە رەتىندە سايلانۋىنا قولداۋ كورسەتكەنى ءۇشىن العىس ءبىلدىرىپ، ازەربايجان تاراپىن «ەكسپو-2017» كورمەسىنە قاتىسۋعا شاقىردى.
ءوز كەزەگىندە م. اليەۆا قازاقستاننىڭ جەتىستىكتەرىن جوعارى باعالايتىنىن جانە ەلىمىزدىڭ كەز كەلگەن باستامالارىنا قولداۋ كورسەتەتىنىن ايتىپ، مەملەكەتتىك حاتشىعا فورۋمعا قاتىسقانى ءۇشىن العىسىن ءبىلدىردى.
ەستەرىڭىزگە سالا كەتەيىك، ق ر مەملەكەتتىك حاتشىسى گۇلشارا ءابدىقالىقوۆا ساپارمەن ازەربايجاندا ءجۇر. وندا مەملەكەتتىك حاتشى ازەربايجان تاراپىنىڭ شاقىرۋىمەن V باكۋ حالىقارالىق گۋمانيتارلىق فورۋمىنا قاتىسۋدا.
