يزرايلدىڭ بۇرىنعى پرەزيدەنتى شيمون پەرەس قايتىس بولدى

ونىڭ تۋىستارىنىڭ حابارلاۋىنشا، پەرەستىڭ جاعدايى وتكەن اپتادا كۇرت تومەندەپ كەتكەن، ول ءبىر اي بۇرىن ينسۋلت العان ەدى. 13 - قىركۇيەكتە ول تەل- اۆيۆ اۋرۋحاناسىنا جەتكىزىلدى. سول ساتتەن باستاپ پەرەس اپپاراتقا قوسىلىپ، ەس- ءتۇسسىز جاتتى.

ەسكە سالا كەتسەك، شيمون پەرەس يزرايلدىڭ بارلىق باستى مەملەكەتتىك لاۋازىمدارىن اتقارعان: ەكى مەرزىمدە پرەمەر- مينيستر، سونداي- اق بىرنەشە مارتە قورعانىس سالاسىن، قارجى مينيسترلىگىن، بايلانىس مينيسترلىگىن، ءى ءى م، س ءى م جانە باسقا مەكەمەلەردى باسقاردى. 2007 - 2014 -جىلدار ارالىعىندا پەرەس ەل پرەزيدەنتى بولدى.

 1994 -جىلى ول ۇكىمەت باسشىسى يتسحاك رابين جانە پالەستينا جەتەكشىسى ياسير ارافاتپەن بىرگە پالەستينا اۆتونومياسىندا ازاماتتىق بيلىكتى بەرۋ ۇدەرىسىنە ۇلاسقان وسلوداعى بەيبىت كەلىسسوزدەردەگى ءرولى ءۇشىن نوبەلدىڭ بەيبىتشىلىك سىيلىعىن العان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى