قىتايدا ەكىنشى دۇنيەجۇزىلىك سوعىس كەزىندە قازا تاپقان سماعۇل مايداردىڭ تۋىستارى تابىلمادى
حيلۇڭجياڭ (2015 -جىلعى 17 قاراشا) پروۆينتسياسى مۋدانتسزيان قالالىق وكرۋگىنىڭ تەلينحە كەنتىنىڭ «چۋنينيۋان» مەموريالدىق ساياباعىنداعى باۋىرلاستار زيراتىندا ونىڭ سۇيەگىن قايتا جەرلەۋ راسىمىنە جانە سول جەردە (2016 -جىلعى 22 - قىركۇيەك) كەڭەس اسكەرلەرىنە ەسكەرتكىشتىڭ اشىلۋىنا قازاقستاننان ق ح ر- داعى ق ر قورعانىس مينيسترلىگىنىڭ اسكەري اتتاشەسى ەرەن كوجەكوۆ قاتىستى.
ەسكە سالساق، قىزىل اسكەر سماعۇل مايدار 190- اتقىشتار ديۆيزياسىنىڭ 112- اتقىشتار پولكىندە قىزمەت ەتتى. ول 1905 -جىلى پاۆلودار وبلىسى كۋبىشيەۆ اۋدانى نوۆو- تريتسكوە ەلدى مەكەنىندە (قازىرگى پاۆلودار وبلىسى اقتوعاي اۋدانى) دۇنيەگە كەلدى. قىزىل اسكەرگە 1943 -جىلى شاقىرتىلدى. ول كەزدە نوۆو- ترويتسكوە اۋىلىندا ايەلى سماعۇلوۆا ءجاميلا بىرگە تۇرعان. ول 1945 -جىلعى 15 - تامىزدا مەرت بولدى.
قازاقستاندىقتىڭ سۇيەگىن «ەستەلىك ۆاحتاسى. قىتاي-2015» - قىتاي اۋماعىندا قازا تاپقان كەڭەس اسكەرلەرىن ماڭگى ەستە ساقتاۋ بويىنشا ءبىرىنشى بىرلەسكەن رەسەيلىك- قىتايلىق ىزدەۋ ەكسپەديسياسىنىڭ كوكتەمگى- جازعى كەزەڭى بارىسىندا تانىدى.
سماعۇل مايلارمەن بىرگە سەرجانت مەلەحين تيموفەي نيكيتوۆيچ (رسەي پەرم ولكەسىنىڭ تۋماسى) ، ەفرەيتور سولومەنكو گريگوريي ارسەنتيەۆيچ (ر ف بۇرىنعى بريانسكي وبلىسى) جانە قىزىل اسكەر پەترەنكو ميحايل نازاروۆيچتىڭ (پريمورسكيي ولكەسى) سۇيەگى تانىلدى.
2015 -جىلعى جازدان باستاپ ق ح ر- داعى ق ر ەلشىلىگىنىڭ ديپلوماتتارى ب ا ق ارقىلى سماعۇل مايداردىڭ تۋعان- تۋىستارىن بىلەتىن ادامداردى ىزدەستىرگەن بولاتىن.
