ارمەنيانىڭ جاڭا پرەمەر-ءمينيسترى تاعايىندالدى

ول سوڭعى جىلدارى رەسەيلىك «گازپرومدا» جۇمىس ىستەدى، ال 2010-2011-جىلدارى ەريەۆان مەرى لاۋازىمىندا بولدى.

سەيسەنبى كۇنى ارمەنيا پرەزيدەنتى سەرج سارگسيان وسى تاعايىنداۋ جونىندەگى جارلىققا قول قويدى، دەپ حابارلادى ت ا س س تىلشىسىنە رەسپۋبليكا باسشىسىنىڭ اپپاراتىنان.

«كارەن كاراپەتيان ارمەنيا رەسپۋبليكاسىنىڭ پرەمەر-ءمينيسترى قىزمەتىنە تاعايىندالسىن»، - دەلىنگەن قۇجاتتا.

كارەن ۆيلگەلموۆيچ كاراپەتيان 51 جاستا، 1980-جىلى ەريەۆان مەملەكەتتىك ۋنيۆەكرسيتەتىنىڭ قولدانبالى ماتەماتيكا فاكۋلتەتىن ۇزدىك بىتىرگەن. ەكونوميكا عىلىمدارىنىڭ دوكتورى (2010). ارميان ك س ر مەملەكەتتىك جوسپارلاۋ كوميتەتىنىڭ ەسەپتەۋ ورتالىعىندا جۇمىس جاسادى، ەريەۆان مەملەكەتتىك ۋنيۆەرسيتەتىندە ساباق بەردى.

1996-98-جىلدارى «ارمەنەرگو» بىرلەستىگىنىڭ باس ديرەكتورىنىڭ ورىنباسارى، 1998-2001-جىلدارى - باس ديرەكتورى. 2001-جىلى - ارمەنيا ەنەرگەتيكا ءمينيسترىنىڭ ورىنباسارى. 2001-2010-جىلدارى - «ارمروسگازپروم» بىرلەسكەن كاسىپورنىنىڭ باسقارما ءتوراعاسى - باس ديرەكتورى، كەيىننەن ول تولىقتاي رەسەيلىك «گازپرومنىڭ» ەنشىلەس كاسىپورنىنا اينالدى.

2010-2011-جىلدارى - ەريەۆان قالاسىنىڭ مەرى قىزمەتىندە بولدى. 2011- جىلدان ماسكەۋدە «گازپرومنىڭ» ءبىرىنشى ۆيتسە-پرەزيدەنتى بولدى، ال 2012-جىلدان باستاپ «گازپروم-مەجرەگيونگاز» كومپانياسى باس ديرەكتورىنىڭ ورىنباسارى قىزمەتىن قوسا اتقاردى، ال وتكەن جىلدانگ باستاپ - «گازپروم-ەنەرگوحولدينگ» فيرماسى باس ديرەكتورىنىڭ حالىقارالىق جوبالار جونىندەگى ورىنباسارى.

ارمەنيانىڭ مەملەكەتتىك ناگرادالارىنا يە بولعان، فرانسيا ۇلتتىق وردەنىنىڭ وفيتسەرى.

بۇرىنعى پرەمەر وۆيك ابراميان وتكەن بەيسەنبى كۇنى ءوز وتىنىشىمەن قىزمەتىنەن كەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى