تۇقىمىڭىزعا تارتتىڭىز با؟
كولورودا ۋنيۆەرسيتەتىنىڭ وقىمىستىلارى جۇرگىزگەن جاڭا زەرتتەۋلەر وسىنداي قورىتىندىعا قول جەتكىزدى.
انىقتاي كەلگەندە بارلىق ماسەلە «گەنگە» بايلانىستى ەكەن. تۇقىمدا بار سەمىزدىك كۇندەردىڭ كۇنىندە ادامنىڭ دەنە تۇرپاتىن وزگەرتۋى ابدەن مۇمكىن (اسىرەسە قىزدار) .
زەرتتەۋشىلەر 1994 -جىلى 20000 نان استام ادامنىڭ، ونىڭ ىشىندە 100 ەگىزدىڭ دەنساۋلىعى تۋرالى جەكە مالىمەتىن تەكسەرىپ، ولارمەن 2008 -جىلى قايتا كەزدەسكەن. وسى ۋاقىتتا ادامداردىڭ بويىندا ءبىرقاتار وزگەرىستەر بولعان. سالماق قوسۋ جاعىنان ايەلدەر العا شىققان. ماماندار دەنساۋلىق ادامنىڭ ءومىر جاسىنا دا تىكەلەي بايلانىستى ەكەندىگىن ايتىپ، تۇقىمىندا سەمىز ادامدار بار وتباسىنداعىلار سالاۋاتتى ءومىر سالتىن ۇستانبايتىندىعىن انىقتاعان.
ايتپاقشى، نيۋكاسلا ۋنيۆەرسيتەتىنىڭ عالىمدارى قىزىق دەرەك تاراتتى. ولاردىڭ پىكىرىنە قۇلاق تۇرسەڭىز، ۇقىپتى ادامدار ءوزىن كۇتىپ ۇستايدى. اسىرەسە ايەل ادامداردا بۇل ايقىن بايقالادى.
15591 بريتاندىققا زەرتتەۋ جۇرگىزگەن عالىمدار وتباسىنىڭ تابىسىنا، قاراجات جيناۋىنا، تۇرمىستىق جاعدايلارىنا جانە دەنە كۇتىمىنە ەرەكشە نازار اۋدارعان. ناتيجەسىندە اقشانى جيناي بىلەتىن ايەلدەر اقشانىڭ بەتىنە قارامايتىن قۇربىلارىنا قاراعاندا سىمباتتىلاۋ ەكەن. مازاسىز ادامدار ەرتەڭگى كۇنىن ويلاپ باس قاتىرمايدى. ولار دەر كەزىندەگى قاناعاتتانۋعا عانا ريزا بولادى. سوندىقتان كۇندەلىكتى جاتتىعۋ دا، دۇرىس تاماقتانۋ دا ولارعا سونشالىقتى ىقپال ەتپەيدى. ال ۇقىپتى، بولاشاققا جوسپارى بار جانداردىڭ اراسىندا جوعارى ءبىلىمدى، دەنساۋلىعىنا دۇرىس قارايتىندار كوپ ەكەن. ونداي جەردە سەمىزدىك تە سىرت قالاتىن كورىنەدى.
