سولتۇستىك كورەيا جاڭا يادرولىق سىناقتارعا ءازىر ەكەنىن مالىمدەدى
بۇل تۋرالى ر ي ا نوۆوستي حابارلادى.
«ك ح د ر- دا كەزەكتى يادرولىق سىناقتى جۇرگىزۋ ءۇشىن توننەل بار»، - دەپ ك ر قورعانىس مينيسترلىگىنىڭ وكىلى مۋن سان گيۋننىڭ ءسوزىن كەلتىردى رەنحاپ اگەنتتىگى دۇيسەنبىدە باسپا ءسوز ماسليحاتى بارىسىندا.
ول سونداي-اق «ا ق ش جانە وڭتۇستىك كورەيانىڭ بارلاۋ قىزمەتىنىڭ باعالاۋىنا سايكەس ك ح د ر پحۋنگەري اۋدانىندا كەز كەلگەن ساتتە كەلەسى يادرولىق سىناقتاردى وتكىزۋگە ءازىر ەكەنىن اتاپ ءوتتى».
جۇما كۇنى، 9- قىركۇيەكتە، ساعات 09:30 دا ق ح د ر- دا ماگنيتۋداسى 5,0 جەر سىلكىنىسى تىركەلدى. ك ح د ر بيلىگى يادرولىق سىناقتى ءساتتى جۇرگىزگەنىن راستادى جانە بالليستيكالىق زىمىرانداردى يادرولىق وق تۇمسىقتارمەن جاراقتاۋعا قابىلەتتى ەكەنىن حابارلادى. وڭتۇستىك كورەيالىق اسكەريلەردىڭ دەرەكتەرىنە سايكەس جارىلعىش زاتتىڭ قۋاتى 10 كيلوتوننانى قۇراۋى مۇمكىن، بۇل 6 كيلوتوننا بولعان قاڭتارداعى جارىلىستىڭ قۋاتىنان ەكى ەسە اسىپ تۇسەدى.
كەزەكتى يادرولىق سىناقتى جۇرگىزۋىن جاپونيا، ا ق ش، وڭتۇستىك كورەيا، ءبىرقاتار ەۋروپالىق مەملەكەتتەر ايىپتادى. ر ف س ءى م- دە ماسكەۋ ك ح د ر قاۋىپتى تاۋەكەلدەردى توقتاتىپ، ب ۇ ۇ ق ك بارلىق نۇسقاماسىن ورىنداپ، زىمىراندىق-يادرولىق باعدارلامالاردان تولىقتاي باس تارتۋدى تالاپ ەتىپ وتىرعانىن حابارلادى.
سەيسەنبى، 13- قىركۇيەكتە، سەۋلدە ا ق ش پەن وڭتۇستىك كورەيانىڭ ارنايى وكىلدەرىنىڭ ك ح د ر بويىنشا كەلىسسوزى وتەدى. سون كيم مەن كيم حون گيۋننىڭ كەزدەسۋ ناتيجەسى بويىنشا بىرلەسكەن باسپا ءسوز كونفەرەنتسياسى وتەدى، ونىڭ بارىسىندا تاراپتار پحەنيانعا قاتىستى قارسى شارالاردى مالىمدەيدى.
