ساياساتتانۋشى ەرلان قارين وزبەكستاندا بيلىك اۋىسۋىنىڭ ىقتيمال ءۇش سسەناريىن اتادى

 ەسكە سالا كەتەيىك، بۇعان دەيىن وزبەكستان بيلىگى اۋرۋحانادا جاتقان پرەزيدەنت يسلام كاريموۆتىڭ جاعدايى اۋىر ەكەنىن حابارلاعان بولاتىن. وسىعان وراي، بەلگىلى قازاقستاندىق ساياساتتانۋشى ءوزىنىڭ پىكىرىن فەيسبۋكتەگى پاراقشاسىندا جاريالاپ وتىر.

 قاريننىڭ ايتۋىنشا، وزبەك ساياساتىنىڭ جابىقتىعىن جانە جەرگىلىكتى ساياسي ەليتا قۇرىلىمىنىڭ ەرەكشەلىگىن ەسكەرە وتىرىپ، بيلىكتىڭ قانداي سسەناريلەرىمەن اۋىساتىنىن بولجاۋ اسا قيىن. ونىڭ پىكىرىنشە، ازەربايجاندىق دەپ اتالاتىن سسەناريدىڭ - ياعني، بيلىك وكىلەتتىگىن وتباسى مۇشەسىنە بەرىلۋى - ەكىتالاي، ءتىپتى بۇل سسەناري ىسكە اسپايدى دەپ سەنىممەن ايتۋعا بولادى. سونىمەن قاتار، وزبەكستاندا وتباسى ساياسي ىقپالدىڭ فاكتورى رەتىندە قالىپتاسا الماعان. وسى رەتتە ەرلان قارين ىقتيمال دەگەن نەگىزگى سسەناريلەردى كەلتىرەدى.

«ءبىرىنشى - «ارناۋلى قۇرىلىمدار». ەليتاداعى بىردەن- ءبىر ۇيىمداسقان توپ - ارناۋلى قۇرىلىمدار وكىلدەرى قازىرگى كەزدە توپتاسىپ جۇمىس جاساۋعا قابىلەتتى جالعىز كۇش. جەرگىلىكتى ارنايى قىزمەت - ۇلتتىق قاۋىپسىزدىك قىزمەتى وزبەك بيلىك جۇيەسىندەگى نەگىزگى قۇرىلىم بولىپ تابىلادى، جانە دە سىرتقى كۇشتەرمەن بايلانىستار وسى قۇرىلىمدار ارقىلى جۇزەگە اسىپ كەلگەن بولاتىن، ال قازىرگى جاعدايدا بۇل دا ماڭىزدى فاكتور.

ەكىنشى - «كونسەنسۋستىق فيگۋرا». وزبەك ليدەرىنىڭ دەنساۋلىعى تۋرالى رەسمي اقپاراتتى پرەزيدەنت باسپا ءسوز- قىزمەتى نەمەسە پرەزيدەنت اكىمشىلىگى قۇرىلىمدارى ەمەس، ۇكىمەتتىڭ تاراتۋى جەرگىلىكتى بيلىك يەرارحياسىندا پرەمەر- ءمينيستردىڭ قانداي دا ءبىر ىقپالدى ءرولى بار ەكەندىگىن جانە ونىڭ تاق مۇراگەرى رەتىندە سايلانۋى مۇمكىن ەكەندىگىن بايقاتادى.

 ءۇشىنشى - «كونستيتۋتسيالىق». بۇل سسەناريدىڭ بولۋى ەكىتالاي، دەسەك تە، ونى مۇلدەم شىعارىپ تاستاۋعا دا كەلمەس. 2011 -جىلى وزبەكستاننىڭ نەگىزگى زاڭىنا مەملەكەت باسشىسىن اۋىستىرۋ سحەماسىن ناقتىلايتىن ءبىرقاتار وزگەرىستەر ەنگىزىلدى: «پرەزيدەنت ءوز مىندەتتەرىن اتقارا الماعان جاعدايدا، ونىڭ قۇزىرەتتەرى ۋاقىتشا وزبەكستان رەسپۋبليكاسى جوعارعى ءماجىلىس سەناتىنىڭ ءتوراعاسىنا جۇكتەلىپ، «وزبەكستان رەسپۋبليكاسىنىڭ پرەزيدەنتىن سايلاۋ تۋرالى» زاڭعا سايكەس ءۇش ايدىڭ ىشىندە سايلاۋ وتكىزىلۋى ءتيىس»، - دەپ جازادى ول الەۋمەتتىك جەلىدەگى پاراقشاسىندا.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى