قازاقستان قىرعىزستانعا قايىرىمدىلىق كومەك كورسەتتى
استانا. قازاقپارات - قازاقستان رەسپۋبليكاسىنىڭ ۇكىمەتى قىرعىزستان رەسپۋبليكاسىنا گۋمانيتارلىق كومەك كورسەتتى.
بۇل تۋرالى كيرتاگ قىرعىزستاننىڭ ت ج م باسپا ءسوز قىزمەتىنە سىلتەمە جاساپ حابارلادى.
«27-28 -تامىزدا بەلوۆودسكوە تەمىر جولىنا قازاقستان رەسپۋبليكاسىنان 5 مىڭ ادامعا ارنالعان شاتىر، جىلىتۋ پەشى، كورپە، توسەك- ورىن، اس- ءۇي كەرەك- جاراقتارى تۇرىندە گۋمانيتارلىق كومەك جەتكىزىلدى»، - دەلىنگەن حابارلامادا.
قىرعىزستانعا گۋمانيتارلىق كومەك كورسەتۋ شەشىمىن قازاقستان ۇكىمەتى قابىلداعانى اتاپ وتىلەدى. كومەك توتەنشە جاعدايدان زارداپ شەككەن تۇرعىندارعا ارنالعان.