ەلباسى ءىرى دەرجاۆالار اراسىنداعى داعدارىستى باسقارۋ جۇيەسىن قۇرۋدى ۇسىندى
مەملەكەت باسشىسىنىڭ پىكىرىنشە، بۇگىنگى الەمدىك احۋالعا وراي ءىرى دەرجاۆالار مەن كۇشتەردىڭ جاڭا ورتالىقتارى مەن الداعى قارىم قاتىناستارىن رەتتەۋدىڭ تەتىگى كەرەك. «بۇدان باسقا، قاقتىعىستاردى بولدىرماۋ ءۇشىن جاڭا حالىقارالىق ۇيىمدار قۇرۋ، نەمەسە قىزمەت ەتىپ وتىرعان ۇيىمداردى رەفورمالاۋ قاجەت دەپ ەسەپتەيمىن. ءىرى دەرجاۆالار اراسىنداعى قاتىناستاردى، داعدارىستاردى باسقارۋ جۇيەسىن قۇرۋ كەرەك. سونىمەن قاتار، قاراپايىم قارۋ تۇرلەرى مەن اسكەري تەحنولوگيالاردىڭ تارالۋىنا باقىلاۋدى كۇشەيتكەن دە ورىندى»، دەدى ن. نازاربايەۆ.
بۇدان بولەك، قازاقستان پرەزيدەنتى الەمنىڭ بارلىق ۇكىمەتتەرىن يادرولىق قاۋىپسىزدىكتىڭ نەگىزىن قۇرايتىن حالىقارالىق شارتتار مەن ينستيتۋتتاردىڭ ودان ءارى نىعايۋى ءۇشىن جاڭا مىندەتتەمەلەردى قابىلداۋعا شاقىردى. «بۇگىنگى كونفەرەنسياعا قاتىسىپ وتىرعان بارلىق پارلامەنتشىلەردى وسىعان قاتىسۋعا ۇندەيمىن. حالىقارالىق بەيبىتشىلىك پەن قاۋىپسىزدىككە بارلىق پارلامەنتشىلەر، بۇكىل حالىق، بارشا ادامزات نازار اۋداراتىن بولسا، ءبىز ۇلكەن تابىسقا قول جەتكىزەمىز»، دەدى ن. نازاربايەۆ.
اۆتور: قانات مامەتقازى ۇلى
