استاناداعى جاڭا تەرمينال مەن تەمىر جول ۆوكزالىنىڭ قۇرىلىسى كەستەگە ساي جۇرگىزىلۋدە
قازىرگى ۋاقىتتا تەرمينال عيماراتىنىڭ قابىرعالارى كوتەرىلىپ، قاسبەتى جاسالۋدا. ەدەن، توبە، بولمە ارالىقتارىنىڭ قۇرىلىس- مونتاج جۇمىستارى مەن ىشكى ينجەنەرلىك كوممۋنيكاتسيالاردى وتكىزۋ جۇمىستارى جۇرگىزىلۋدە. اۋە كەمەلەرى تۇراقتاۋىنا ارنالعان جاڭا پەررون سالىنۋدا.
قۇرىلىس الاڭىندا «استانا حالىقارالىق اۋەجايى» ا ق جانە باس مەردىگەرلىك مەكەمە وكىلدەرىمەن تالقىلاۋ بارىسىندا جۇمىس بارىسى بەلگىلەنگەن كەستەگە ساي جۇرگىزىلىپ وتىرعاندىعى اتاپ ءوتىلدى.
جاڭا جولاۋشىلار تەرمينالىنىڭ جالپى كولەمى 47 مىڭ شارشى مەتر.
جاڭا تەرمينال زاماناۋي جابدىقتارمەن جابدىقتالادى. سەرۆيستىك قىزمەت تۇرلەرىنىڭ ساپاسىنىڭ جاقسارىپ، اۋە تاسىمالى قاۋىپسىزدىگىن قامتاماسىز ەتەدى.
قازىرگى استانا اۋەجايىنىڭ وتكىزۋ قابىلەتى جىلىنا 3 ميلليون جولاۋشىنى قۇرايدى. استانا جاڭا اۋەجايى جىلىنا 7,6 ميلليون جولاۋشىعا قىزمەت كورسەتە الادى.
جوسپار بويىنشا قايتا جاڭارتۋ جۇمىستارى 2017 -جىلدىڭ ءبىرىنشى توقسانىندا اياقتاۋ جوسپارلانىپ وتىر، دەپ حابارلايدى «قازاقستان تەمىر جولى» ۇ ك» ا ق باسپا ءسوز قىزمەتىنەن.
ا. مامين جۇمىس بارىسىندا كەڭەس وتكىزگەن ەكىنشى نىسان - ەلوردانىڭ جاڭا ۆوكزالى ورنىندا قۇرىلىس جۇمىستارى قارقىندى جۇرگىزىلۋدە.
كومپانيا باسشىسىنا بۇگىنگى تاڭدا ۆوكزالدا مونوليتتى تەمىر بەتون قاۋسىرماسىنىڭ قۇرىلىسى اياقتالعاندىعى باياندالدى. وعان 150,0 مىڭ م³ بەتون جۇمسالدى. 30 مىڭ توننا مەتالل قاۋسىرماسى قۇراستىرىلدى. قاسبەتتەگى شىنى اسپالى جۇيەسى قۇراستىرىلۋدا. ۆوكزالعا كىرەتىن تەمىرجول ەستاكاداسىنىڭ قۇرىلىسى اياقتالىپ كەلەدى. بولمەارالىق مەتالل قاۋسىرمالارىنىڭ 25 مىڭ تونناسى قۇراستىرىلدى.
جاڭا ۆوكزال ارقىلى تاۋلىگىنە 12 مىڭ جولاۋشى وتەتىن بولسا، ماۋسىمدىق كەزەڭدە 35 مىڭ جولاۋشى وتەتىن بولادى. قازىرگى قولدانىستاعى ۆوكزالدىڭ تاۋلىكتىك جولاۋشىلاردى وتكىزۋ مۇمكىندىگى 7,1 مىڭ ادامدى قۇرايدى.
عاجايىپ عيماراتتى 2017 -جىلدىڭ ساۋىرىندە پايدالانۋعا بەرۋ جوسپارلانىپ وتىر.
