عالىمدار: الەمنىڭ ءاربىر التىنشى تۇرعىنى ولىمنەن گورى كارىلىكتەن كوبىرەك قورقادى
ساۋالناماعا ءتۇرلى ۇلت وكىلدەرىنەن بىرنەشە مىڭ ادام قاتىسقان. ناتيجەسىندە، عالامشاردىڭ ءاربىر التىنشى تۇرعىنى قارتايىپ، اۋىرىپ ولگەننەن، جاستىق شاقتا قازا تاپقاندى ءجون كورەدى ەكەن.
مامانداردىڭ ايتۋىنشا، كەيبىر جاۋاپ بەرۋشىلەر ءۇشىن كارىلىك ولىمنەن دە قورقىنىشتى.
ساۋالناماعا قاتىسقانداردىڭ كوپشىلىگى 80 جاستى كارىلىك دەپ ەسەپتەيدى. بارلىق جاۋاپ بەرۋشىنىڭ شيرەك بولىگى 90 جاسقا دەيىن ءومىر سۇرگىسى كەلەدى، ال كەيبىرەۋلەرى 100 جىلدىق مەرەيتويىن تويلاۋعا دا قارسى ەمەس.
مۇندا ەرلەر مەن ايەلدىڭ كارىلىككە دەگەن كوزقاراسى بىردەي ەكەنىن اتاپ وتكەن ءجون. ال ۇلتىنا بايلانىستى، عالىمداردىڭ سۇراعىنا ءتۇرلى مەملەكەت ءتۇرلى جاۋاپ بەرگەن. ماسەلەن، لاتىن امەريكاسىنىڭ تۇرعىندارى جاستاي كوز جۇمۋدى ءجون كورەدى، ال افريكاندىقتار كەرىسىنشە كارىلىككە جەتكىسى كەلەدى.
