تىشقان جولاۋشىلار ۇشاعىن ەكى تاۋلىككە كىدىرتتى

تىشقان قايتكەندە دە ۇشقىشتاردىڭ كابيناسىنا كىرىپ كەتكەن. تىشقاندى ۇستاعانشا رەيس كەيىنگە قالدىرىلدى، ويتكەنى ونى ۇستاۋعا ءبىراز ۋاقىت كەتتى جانە ەكيپاجدىڭ دەمالۋى قاجەت بولدى.

قاۋىپسىزدىك ەرەجەلەرىنە سايكەس ۇشقىشتار بەلگىلى ءبىر ليميتتەن ارتىق جۇمىس جاساۋعا بولمايدى.

ۇشاقتار دا بورتىندا كەمىرگىشتەر بولسا ۇشۋعا بولمايدى، ويتكەنى ولار ەلەكتر سىمدارىن جانە باسقا دا كابىلدەردى ىستەن شىعارۋى مۇمكىن.

رەيس جولاۋشىلارى جەرگىلىكتى قوناقۇيلەرگە ورنالاستىرىلدى جانە ولار كەشىكتىرىلگەنى ءۇشىن وتەماقى الادى.

 ۇشۋ 48 ساعاتقا كەيىنگە قالدىرىلدى، ويتكەنى، بىرىنشىدەن، تىشقان ۇشاقتىڭ ماڭىزدى كابىلىن تىستەپ، ىستەن شىعارۋى مۇمكىن، ەكىنشىدەن، Air France-دە باماكودا ۇشىرۋدى كەلەسى كۇنى قامتاماسىز ەتەتىن جەتكلىكتى قىزمەتكەرلەرى بولمادى.

Air France وكىلى كريستوف پومە جولاۋشىلارعا جانى اشيتىنىن ءبىلدىردى، الايدا ولاردىڭ قاۋىپسىزدىگى كومپانيانىڭ نەگىزگى باسىمدىعى ەكەنىن ايتتى.

رەيس پاريجگە جەكسەنبى كۇنى كەشتە ۇشىپ شىقتى.

 ال ۇستالعان تىشقاننىڭ تاعدىرى بەلگىسىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى