ۆەنا اۋەجايىندا ونداعان رەيستەر كەيىنگە قالدىرىلدى جانە الىنىپ تاستالدى
بۇل تۋرالى اۋەجايدىڭ سايتىندا حابارلاندى، دەپ جازادى ت ا س س.
«ەۋروباقىلاۋ مەن اۆستريالىق اۋە قوزعالىسى باسقارماسى اراسىنداعى ۇشۋلار جوسپارى مالىمەتتەرىن بەرۋمەن بايلانىستى تەحنيكالىق پروبلەمالار قازىرگى كەزدە رەيستەردى كەشىكتىرۋگە جانە الىپ تاستاۋعا اكەپ سوقتىردى»، - دەلىنگەن حابارلامادا.
كەيىنگە قالدىرىلعان رەيستەردىڭ جولاۋشىلارىنا اۆياكومپانيالارمەن بايلانىسقا شىعۋ ۇسىنىلدى.
اۋەجايدىڭ حابارلاماسىندا سونداي-اق كەشىكتىرۋ 29- تامىزعا دەيىن سوزىلۋى مۇمكىن ەكەنى ايتىلعان، وسىعان بايلانىستى جەكسەنبى جانە دۇيسەنبى كۇندەرى اۋەجايدان ەكى قوسىمشا پويىز ۆەنانىڭ ورتالىعىنا قاراي ىسكە قوسىلادى.
